പ്രതിപക്ഷാംഗങ്ങളുടെ ചോദ്യത്തിന് നിയമസഭയില് ഗതാഗതമന്ത്രി നല്കിയ മറുപടി പൊതുസമൂഹത്തിന് മുന്നില് നില്ക്കെയാണ് മുഖ്യമന്ത്രിയും മന്ത്രിയും നട്ടാല് കുരുക്കാത്ത കള്ളം ആവര്ത്തിച്ചുകൊണ്ടിരുന്നതെന്ന് വിഡി സതീശൻ.സംസ്ഥാനത്ത് എ.ഐ ക്യാമറകള് സ്ഥാപിച്ച ശേഷം അപകടങ്ങള് കുറഞ്ഞെന്ന മുഖ്യമന്ത്രിയുടെയും ഗതാഗതമന്ത്രിയുടെയും വാദം പച്ചക്കള്ളമാണെന്നും ,നിയമസഭയിലും പുറത്തും ഈ കള്ളം ആവര്ത്തിച്ചത് കൂടാതെ സര്ക്കാര് ഹൈക്കോടതിയെ തെറ്റിദ്ധരിപ്പിക്കുകയും ചെയ്തു. കള്ളക്കണക്ക് നല്കി ഹൈക്കോടതിയെ കബളിപ്പിക്കാന് ശ്രമിച്ച ഗതാഗതമന്ത്രി സത്യപ്രതിജ്ഞാലംഘനമാണ് നടത്തിയതെന്നും അദ്ദേഹം പറഞ്ഞു.
