രണ്ബീര് കപൂറും യഷും സായ് പല്ലവിയും കേന്ദ്രകഥാപാത്രങ്ങളെ അവതരിപ്പിക്കുന്ന ‘രാമായണ’ എന്ന ബ്രഹ്മാണ്ഡ ചിത്രത്തിന്റെ ട്രെയ്ലര് പുറത്തിറങ്ങി. നിതീഷ് തിവാരി സംവിധാനം ചെയ്യുന്ന ചിത്രം രണ്ട് ഭാഗങ്ങളായാണ് തിയേറ്ററുകളിലെത്തുന്നത്. ചിത്രത്തില് രാമനായി രണ്ബീര് കപൂറും, സീതയായി സായ് പല്ലവിയും, രാവണനായി യഷും വേഷമിടുന്നു. ലക്ഷ്മണനായി രവി ദുബെയും, ഹനുമാനായി സണ്ണി ഡിയോളും അഭിനയിക്കുന്നുണ്ട്. ശോഭന, ലാറ ദത്ത, വിവേക് ഒബ്റോയ്, അരുണ് ഗോവില്, രാകുല് പ്രീത് സിങ് എന്നിവരാണ് മറ്റ് പ്രധാന താരങ്ങള്. നമിത് മല്ഹോത്രയുടെ പ്രൊഡക്ഷന് കമ്പനിയായ ഡി.എന്.ഇ.ജി, യാഷിന്റെ മോണ്സ്റ്റര് മൈന്ഡ് ക്രിയേഷന്സ് എന്നീ ബാനറുകളാണ് ചിത്രം നിര്മിക്കുന്നത്. കരണ് ജോഹറിന്റെ ധര്മ പ്രൊഡക്ഷന്സ് ആണ് ചിത്രം ഇന്ത്യയില് വിതരണം ചെയ്യുന്നത്. ആദ്യഭാഗം 2026 ദീപാവലി റിലീസായി തിയേറ്ററുകളിലെത്തും.
