ഇന്ന് രാവിലെ 9.30 ഓടെ കളമശ്ശേരി സ്ഫോടന കേസിലെ പ്രതി ഡൊമിനിക് മാര്ട്ടിനുമായി അന്വേഷണ സംഘം തെളിവെടുപ്പ് ആരംഭിച്ചു. ആദ്യം പ്രതിയുടെ ആലുവ അത്താണിയിലുള്ള കുടുംബ വീട്ടിലാണ് തെളിവെടുപ്പ് ആരംഭിച്ചത്. ഇവിടെയാണ് ബോംബ് നിര്മിക്കുന്നതിനുള്ള സാധനങ്ങള് ഇയാള് സൂക്ഷിച്ചിരുന്നത്. ഇവിടെ ഉടമസ്ഥനായ ഡൊമിനിക് മാര്ട്ടിന് വന്നുപോകുന്ന സമീപവാസികളുടെയും ശ്രദ്ധയില്പ്പെട്ടിരുന്നില്ല. ബോംബ് നിര്മിക്കുന്നതിനുള്ള സാധനങ്ങള് സൂക്ഷിച്ചശേഷം സ്ഫോടനം നടത്തിയ അന്ന് പുലര്ച്ചെ ഈ വീടിന്റെ ടെറസില് വെച്ചാണ് ബോംബ് ഉണ്ടാക്കിയതെന്നാണ് പ്രതിയുടെ മൊഴി.
