ശബരിമലയിൽ വനംവകുപ്പിന്റെ എതിര്പ്പ് ഉള്പ്പെടെ പരിഹരിച്ചുകൊണ്ടും ഏറ്റെടുക്കുന്ന വനഭൂമിക്ക് പകരം ഭൂമി നൽകിയും സര്ക്കാര് റോപ് വേ പദ്ധതിയുമായി മുന്നോട്ട്. ശബരിമലയിൽ ഏറ്റെടുക്കുന്ന വനഭൂമിക്ക് പകരം റവന്യു ഭൂമി നൽകുന്നതിനുള്ള നിര്ണായക ഉത്തരവും സര്ക്കാര് പുറത്തിറക്കി. പദ്ധതിക്കായി 4.5336 ഹെക്ടര് വനഭൂമിയാണ് ഏറ്റെടുക്കുന്നത്. ഇതിന് ബദലമായി കൊല്ലം പുനലൂര് താലൂക്കിലെ 4.5336 ഹെക്ടര് റവന്യു ഭൂമിയാണ് വനംവകുപ്പിന് കൈമാറുന്നത്. റവന്യു ഭൂമിയുടെ ഉടമസ്ഥാവകാശം സംസ്ഥാന വനംവകുപ്പിന്റെ പേരിൽ പോക്കുവരവ് ചെയ്തു നൽകുന്നതിനായി കൈമാറികൊണ്ടാണ് സര്ക്കാര് ഉത്തരവിറക്കിയത്.
