കാത്തിരിപ്പിന് വിരാമമിട്ട് സിയേറ ഇവിയെ ഇന്ത്യന് വിപണിയില് പുറത്തിറക്കി ടാറ്റ മോട്ടോഴ്സ്. 18.79 ലക്ഷം രൂപ മുതലാണ് വാഹനത്തിന്റെ എക്സ് ഷോറൂം വില ആരംഭിക്കുന്നത്. സിയേറയുടെ പെട്രോള്/ഡീസല് പതിപ്പ് പുറത്തിറങ്ങി വെറും ഏഴ് മാസത്തിന് ശേഷമാണ് ഇവി എത്തുന്നത്. 63 കിലോവാട്ട്അവര്, 75കിലോവാട്ട്അവര് എന്നിങ്ങനെ രണ്ട് ബാറ്ററി ഓപ്ഷനുകളില് വാഹനം ലഭ്യമാണ്. വലിയ 75കിലോവാട്ട്അവര് പതിപ്പിന് 665 കിലോമീറ്ററും, 63കിലോവാട്ട്അവര് പതിപ്പിന് 565 കിലോമീറ്ററും സിംഗിള് ചാര്ജ് റേഞ്ച് ലഭിക്കും. 120കിലോവാട്ട് ഡിസി ഫാസ്റ്റ് ചാര്ജര് ഉപയോഗിച്ചാല് വെറും 15 മിനിറ്റ് കൊണ്ട് 263 കിലോമീറ്റര് ഓടാനുള്ള ചാര്ജ് കയറ്റാം. വെറും 26 മിനിറ്റില് 20 മുതല് 80 ശതമാനം വരെ ബാറ്ററി ചാര്ജ് ചെയ്യാനാകും. ടാറ്റയുടെ മറ്റ് ഇവികള്ക്ക് സമാനമായി ഇതിനും ‘ലൈഫ് ടൈം ബാറ്ററി വാറന്റി’ കമ്പനി വാഗ്ദാനം ചെയ്യുന്നുണ്ട്.