2026-ലെ തമിഴ്നാട് നിയമസഭാ തിരഞ്ഞെടുപ്പിൽ തങ്ങളുടെ പാർട്ടി അധ്യക്ഷൻ വിജയിയെ മുഖ്യമന്ത്രി സ്ഥാനാർത്ഥിയായി പ്രഖ്യാപിച്ചുകൊണ്ട് തമിഴക വെട്രി കഴകം പ്രമേയം പാസാക്കി. സഖ്യം രൂപീകരിക്കുന്നത് സംബന്ധിച്ച എല്ലാ അന്തിമ തീരുമാനങ്ങളും എടുക്കുന്നതിനുള്ള പൂർണ്ണ അധികാരം വിജയിക്ക് നൽകിയിട്ടുണ്ട്. വിജയിയുടെ നേതൃത്വത്തെ പിന്തുണയ്ക്കാൻ തയ്യാറുള്ള പാർട്ടികളെ സഖ്യത്തിലേക്ക് ക്ഷണിക്കാനും പാർട്ടി തീരുമാനിച്ചു. വ്യാഴാഴ്ച ചേർന്ന ടി.വി.കെ.യുടെ സംസ്ഥാന ഭാരവാഹികളുടെയും ജില്ലാ സെക്രട്ടറിമാരുടെയും യോഗത്തിലാണ് ഈ നിർണായക പ്രഖ്യാപനം നടത്തിയത്. പാർട്ടി നേതാവ് വിജയിയെ മുഖ്യമന്ത്രി സ്ഥാനാർത്ഥിയായി അംഗീകരിക്കുകയും അദ്ദേഹത്തിന്റെ നേതൃത്വത്തെ പിന്തുണയ്ക്കാൻ തയ്യാറുള്ള എല്ലാവരെയും സഖ്യത്തിലേക്ക് സ്വാഗതം ചെയ്യുകയും ചെയ്യും.
