ലോക്സഭ തെരഞ്ഞെടുപ്പില് ഭാരത സംസ്ക്കാരം പരിരക്ഷിക്കുന്നവര് ജയിച്ചുവരണമെന്ന് ശിവഗിരി മഠാധിപതി സ്വാമി സച്ചിദാനന്ദ. ഭാരതത്തെ ലോകം മുഴുവൻ ഉറ്റു നോക്കുകയാണ്, അതുകൊണ്ട് ഈ തെരഞ്ഞെടുപ്പ് നമുക്ക് നിർണായകമാണ്. ശിവഗിരി മഠത്തിന്റെ വികസനത്തിന് കേന്ദ്ര സര്ക്കാര് വലിയ സഹായം ചെയ്തിട്ടുണ്ട്. ശിവഗിരി മഠത്തിന് കേരള സര്ക്കാരും എല്ലാവിധ പിന്തുണയും നല്കിയിട്ടുണ്ട്. തെരഞ്ഞെടുപ്പില് ആര്ക്കും പിന്തുണ പ്രഖ്യാപിക്കുന്നില്ല, പറഞ്ഞതില് നിലപാട് വ്യക്തമാണെന്നും സ്വാമി സച്ചിദാനന്ദ പറഞ്ഞു.
