സംസ്ഥാനത്തെ എല്ലാ ജനകീയ ആരോഗ്യ കേന്ദ്രങ്ങളിലും സ്ത്രീ പ്രത്യേക ക്ലിനിക്കുകള് ആരംഭിക്കുന്നു. സ്ത്രീകള്ക്കും കുട്ടികള്ക്കുമായി ക്ലിനിക്കുകള്, അയല്ക്കൂട്ട സ്ക്രീനിംഗ് ക്യാമ്പുകള്, വിദഗ്ധ സ്പെഷ്യലിസ്റ്റ് സേവനങ്ങള് എന്നിവ ഒരുക്കുന്നതിനായാണ് സ്ത്രീ ക്ലിനിക്കുകള് ആരംഭിക്കുന്നത്. ഈ ക്ലിനിക്കുകളുടെ സംസ്ഥാനതല ഉദ്ഘാടനം നാളെ 3 മണിക്ക് തിരുവനന്തപുരം പള്ളിത്തുറ ജനകീയ ആരോഗ്യ കേന്ദ്രത്തില് വച്ച് ആരോഗ്യവകുപ്പ് മന്ത്രി വീണാ ജോര്ജ് നിര്വഹിക്കും. ഉദ്ഘാടനത്തോട് അനുബന്ധിച്ച് ചൊവ്വാഴ്ച രാവിലെ 9 മണി മുതല് പള്ളിത്തുറ ജനകീയാരോഗ്യ കേന്ദ്രത്തില് പ്രത്യേക സ്പെഷ്യാലിറ്റി ക്യാമ്പ് സംഘടിപ്പിക്കും.
