വയനാട് കള്ളാടി മണ്ണിടിച്ചിലില് കാണാതായവര്ക്കായുള്ള തിരച്ചില് നാലാം ദിവസത്തിലേക്ക് കടന്നു. മൂന്നാം ദിനത്തില് മൃതദേഹങ്ങള് കണ്ടെത്തിയ ഒന്നാം സോണിലും മൂന്നാം സോണിലും പുഴയിലും തിരച്ചില് നടത്തും. മണ്ണ് അതിവേഗം നീക്കാന് കൂടുതല് വാഹനങ്ങള് എത്തിക്കും. കണ്ടെടുത്ത മൂന്ന് മൃതദേഹങ്ങള് എംബാം നടപടികള്ക്ക് ശേഷം എയര് ലിഫ്റ്റിലൂടെ വീടുകളിലേക്ക് എത്തിക്കും. ഏഴ് പേരാണ് പരിക്കേറ്റ ചികിത്സയില് കഴിയുന്നത്. അതേസമയം വയനാട് ഉള്പ്പെടെ അഞ്ച് ജില്ലകളില് ഇന്ന് യെല്ലോ അലേര്ട്ടാണ്.
