കന്നഡയിലെ പ്രമുഖ എഴുത്തുകാരനും ചലച്ചിത്ര പ്രവര്ത്തകനുമായ പുനിത് ആദ്യമായി തിരക്കഥയെഴുതി സംവിധാനം ചെയ്യുന്ന മലയാള ചിത്രം ‘അച്യുത അവതാര’ത്തിന്റെ പുതിയ പോസ്റ്റര് റിലീസായി. സൈബര് ആസക്തിയുടെ ഭയാനകമായ അനന്തരഫലങ്ങള്ക്ക് സാക്ഷ്യം വഹിക്കുന്ന ഒരു യാത്രയിലേക്ക് പ്രേക്ഷകരെ കൊണ്ടുപോകുന്ന ചിത്രം റെയ്റ വെഞ്ചേഴ്സിന്റെ ബാനറില് രമേശ് സി, രുദ്രമൂര്ത്തി, രാജേഷ്. ആര് എന്നിവര് ചേര്ന്നാണ് നിര്മിച്ചിരിക്കുന്നത്. പ്രമുഖ നര്ത്തകിയും താരവുമായ മാളവിക നന്ദന്, അവിനാശ് (കാന്താര ഫെയിം), സീമ ജി.നായര് എന്നിവര്ക്കൊപ്പം നിരവധി അന്യഭാഷ താരങ്ങളും ചിത്രത്തില് വേഷമിടുന്നു. ദേശീയ അവാര്ഡ് ജേതാവായ ഛായാഗ്രാഹകന് ആനന്ദ് മീനാക്ഷിയാണ് ക്യാമറ. മെയ് മാസത്തോടെ പാന് ഇന്ത്യന് ചിത്രമായി തിയേറ്ററുകളില് എത്തും. ഹരീഷ് മോഹനന്റെ വരികള്ക്ക് പ്രസന്ന കുമാര് എം.എസ് ആണ് സംഗീതം നല്കിയിരിക്കുന്നത്.