ചൈനീസ് സ്മാര്ട്ട്ഫോണ് നിര്മ്മാതാക്കളായ ഓപ്പോയുടെ പുതിയ ഫോണ് ഉടന് ഇന്ത്യന് വിപണിയില്. ഓപ്പോ റെനോ 14 സീരീസ് അല്ലെങ്കില്, ഓപ്പോ കെ 13 സീരീസില് നിന്നുള്ള പുതിയ മോഡല് ഇതില് ഒന്നായിരിക്കാം പുതിയ ഫോണ് എന്നാണ് റിപ്പോര്ട്ടുകള് വ്യക്തമാക്കുന്നത്. റെനോ 14, റെനോ 14 പ്രോ എന്നിവ ഇതിനകം ചൈനയില് ലോഞ്ച് ചെയ്തിട്ടുണ്ട്. ജൂലൈ ആദ്യ വാരത്തില് ഇന്ത്യന് വിപണിയില് എത്തുമെന്ന് പ്രതീക്ഷിക്കുന്നു. വാനില റെനോ 14 ന്റെ അടിസ്ഥാന വേരിയന്റ് കഴിഞ്ഞ മാസമാണ് ചൈനയില് അവതരിപ്പിച്ചത്. റെനോ 14 സീരീസ് 6.59 ഇഞ്ച്, 6.83 ഇഞ്ച് ഒലെഡ് ഡിസ്പ്ലേ വാഗ്ദാനം ചെയ്യുമെന്ന് കരുതുന്നു. ഓപ്പോ റെനോ 14 മീഡിയാടെക് ഡൈമെന്സിറ്റി 8350 സോക് വാഗ്ദാനം ചെയ്യുമ്പോള് റെനോ 14 പ്രോ മീഡിയാടെക് ഡൈമെന്സിറ്റി 8450 സോക് വാഗ്ദാനം ചെയ്യുന്നു. ഈ ഫോണുകള് 50എംപി പ്രൈമറി കാമറയുമായാണ് വിപണിയില് എത്തുക. റെനോ 14 ന് 6000 എംഎഎച്ച് ബാറ്ററിയും റെനോ 14 പ്രോയ്ക്ക് 6200 എംഎഎച്ച് ബാറ്ററി കരുത്തും ഉണ്ടാവും.
