പുതിയ യമഹ എഫ്സി ബ്ലൂ ഫ്ലെക്സ് ഇന്ത്യയില് പുറത്തിറങ്ങി. 1.24 ലക്ഷം രൂപയാണ് ഡല്ഹിയിലെ എക്സ് ഷോറും വില. യമഹയുടെ ഇന്ത്യയിലെ ആദ്യത്തെ ഫ്ലെക്സ്-ഫ്യുവല് മോഡലാണിത്. ഇ20 മുതല് ഇ85 വരെയുള്ള എത്തനോള്-ബ്ലെന്ഡഡ് ഇന്ധനങ്ങളില് പ്രവര്ത്തിക്കുന്ന മോഡലാണിത്. 11.5 ബിഎച്പിയും 12.8 എന്എം ടോര്ക്കും ഉത്പാദിപ്പിക്കുന്ന 149സിസി എയര്-കൂള്ഡ്, ഫ്യുവല്-ഇന്ജെക്റ്റഡ് എഞ്ചിനാണ് എഫ്ഇസെഡ് ബ്ലൂ ഫ്ലെക്സിന് കരുത്ത് പകരുന്നത്. ഈ എഞ്ചിന് 5 സ്പീഡ് ഗിയര്ബോക്സുമായി ജോടിയാക്കിയിരിക്കുന്നു. മാന്യമായ ഇന്ധനക്ഷമതയും വാഗ്ദാനം ചെയ്യുന്നു. എന്നിരുന്നാലും, ഇ20ല് ഓടുന്നതിനേക്കാള് ഇ85 ഇന്ധനത്തില് പ്രവര്ത്തിക്കുമ്പോള് ബൈക്ക് കുറഞ്ഞ ഇന്ധനക്ഷമത വാഗ്ദാനം ചെയ്യും. എഫ്സി ബ്ലൂ ഫ്ലെക്സിന്റെ ബാക്കി ഭാഗങ്ങള് പോര്ട്ട്ഫോളിയോയിലെ മറ്റ് എഫ്സികള്ക്ക് സമാനമാണ്. മെറ്റാലിക് ബ്ലാക്ക് പെയിന്റ് സ്കീമിലാണ് എഫ്സി ബ്ലൂ ഫ്ലെക്സ് ലഭ്യമാകുക.