തൃശ്ശൂരില് ക്രൈസ്തവ വോട്ടുകളില് വിള്ളല് വീണെങ്കിലും മറ്റ് മണ്ഡലങ്ങളില് ചോർച്ച ഉണ്ടായിട്ടില്ലെന്ന് കെ മുരളീധരൻ വ്യക്തമാക്കി. തൃശ്ശൂരിൽ ജയിക്കാൻ ബുദ്ധിമുട്ടുണ്ടെന്ന് പ്രതാപനും പറഞ്ഞിട്ടില്ല. പത്മജ ബിജെപിയിൽ ചേർന്നത് ഒരു ശതമാനം പോലും തോൽവിക്ക് കാരണമായിട്ടില്ല. അതോടൊപ്പം തൃശൂരില് സുരേഷ് ഗോപി നടത്തിയ പ്രവർത്തനങ്ങള് വിലയിരുത്തുന്നതില് പാര്ട്ടി സംവിധാനത്തിനും തനിക്കും വീഴ്ച പറ്റിയെന്നും കെ മുരളീധരൻ പറഞ്ഞു. കൂടാതെ നിയമസഭ തെരഞ്ഞെടുപ്പിന് 2 വർഷം മാത്രമുള്ളപ്പോള് എല്ലായിടത്തും പോയി മത്സരിക്കേണ്ട കാര്യമില്ലെന്നും രാഹുൽ വയനാട് ഒഴിയുകയാണെങ്കിൽ പ്രിയങ്ക മത്സരിക്കണമെന്നാണ് എല്ലാവരുടെയും ആഗ്രഹമെന്നും മുരളീധരൻ പ്രതികരിച്ചു.
