തൃശൂർ പൂരം പൊലീസ് കലക്കിയത് ബിജെപിക്ക് വേണ്ടിയാണെന്നും, സിപിഎമ്മിന്റെ അജണ്ട നടപ്പിലാക്കാൻ കമ്മീഷണറെ ഉപയോഗിച്ചതാണെന്നുള്ള ആരോപണവുമായി കെമുരളീധരൻ. സുരേഷ് ഗോപിയാണ് പ്രശ്നം പരിഹരിച്ചതെന്ന പ്രചാരണമാണ് ഇപ്പോള് ബിജെപി സൈബര് സെല് ചെയ്യുന്നതെന്നും, കമ്മീഷണറെ തല്ക്കാലത്തേക്ക് മാറ്റിനിർത്തുന്നതാണ്, കമ്മീഷണർ മറ്റ് സമ്മർദ്ദങ്ങൾക്ക് വഴങ്ങിയോ എന്നറിയാൻ ജ്യൂഡീഷ്യൽ അന്വേഷണം വേണം, കമ്മീഷണർ പൂരം കലക്കാൻ രാവിലെ മുതൽ ശ്രമിച്ചുകൊണ്ടിരുന്നു, ഇതിന് താൻ തന്നെയാണ് സാക്ഷിയെന്നും, സുരേഷ് ഗോപിയെ പൂരത്തിന്റെയന്ന് എവിടെയും കണ്ടില്ല, പിന്നീട് സേവാഭാരതിയുടെ ആംബുലൻസിൽ വന്ന് ഷോ കാണിച്ചുവെന്നും കെ മുരളീധരൻ ആരോപിച്ചു. പൂരം നടത്തിപ്പില് വീഴ്ച പറ്റിയത് സര്ക്കാരിനെതിരെയുള്ള തെരഞ്ഞെടുപ്പ് വിഷയമാക്കുകയാണ് ബി ജെ പി. എന്നാൽ യുഡിഎഫ് അത് ബിജെപിയും സിപിഎമ്മും തമ്മിലുള്ള ഒത്തുകളി എന്ന നിലയിലാണ് കാണുന്നത്.
