കോളേജ് വിദ്യാർത്ഥിനി ശ്രദ്ധ സതീഷിന്റെ മരണത്തില് അന്വേഷണം നടത്തി അടിയന്തിരമായി വിശദ റിപ്പോര്ട്ട് നല്കാൻ ഉന്നതവിദ്യാഭ്യാസ പ്രിന്സിപ്പല് സെക്രട്ടറി ഇഷിതാ റോയിക്ക് മന്ത്രി ആർ ബിന്ദു നിര്ദ്ദേശം നല്കി. അതോടൊപ്പം അധ്യാപകരുടെ മാനസിക പീഡനമാണ് ശ്രദ്ധ മരിക്കാന് കാരണമെന്ന് കുടുംബം ആരോപിച്ചു. പെണ്കുട്ടിയെ ആശുപത്രിയിലെത്തിക്കുന്നതില് കോളേജ് അധികൃതര് മനപൂര്വമായ വീഴ്ച്ച വരുത്തിയെന്നും കുടുംബം കുറ്റപ്പെടുത്തി.
