അജിത് വിനായക ഫിലിംസിന്റെ ബാനറില് വിനായക അജിത് നിര്മ്മിക്കുന്ന ഫാമിലി റൊമാന്റിക് കോമഡി എന്റര്ടൈനറായ ‘മധുവിധു’വിന്റെ പുത്തന് റിലീസ് തീയതി പുറത്ത്. ഏപ്രില് 17 ന് വിഷു റിലീസ് ആയാണ് ചിത്രം ആഗോള തലത്തില് തീയേറ്ററുകളിലെത്തുക. നേരത്തെ ചിത്രം മെയ് ഒന്നിന് റിലീസ് ചെയ്യുമെന്നായിരുന്നു പ്രഖ്യാപിച്ചിരുന്നത്. ഷറഫുദീന് നായകനായി എത്തുന്ന ചിത്രം സംവിധാനം ചെയ്യുന്നത് വിഷ്ണു അരവിന്ദ്. ചിത്രത്തിലെ നായികാ വേഷം ചെയ്യുന്നത് പ്രശസ്ത നടി ബിന്ദു പണിക്കരുടെ മകള് കല്യാണി പണിക്കര് ആണ്. കല്യാണി പണിക്കര് ബിഗ് സ്ക്രീനില് നായികയായി അരങ്ങേറ്റം കുറിക്കുന്ന ചിത്രം കൂടിയാണ് ‘മധുവിധു’. ജഗദീഷ്, അസീസ് നെടുമങ്ങാട്, സായ്കുമാര്, ശ്രീജയ, അമല് ജോസ്, സഞ്ജു മധു എന്നിവരാണ് ചിത്രത്തിലെ മറ്റ് പ്രധാന താരങ്ങള്.
