രാഷ്ട്രപതി ദ്രൗപതി മുര്മുവിനെ കുറിച്ചുള്ള സോണിയ ഗാന്ധിയുടെ പരാമര്ശം പരമോന്നത ഭരണഘടനാ അധികാരത്തെ അപമാനിക്കുന്നതാണെന്ന് ആരോപിച്ചുകൊണ്ട് പരാതി നല്കി അഭിഭാഷകന്. പാർലമെന്റിലെ ബജറ്റ് സമ്മേളനത്തിൽ അഭിസംബോധന വായിച്ച് പാവം സ്ത്രീ തളര്ന്നു എന്നായിരുന്നു സോണിയ ഗാന്ധിയുടെ പരാമര്ശം. മുസഫര്പൂര് സ്വദേശിയായ സുധീര് ഓജ എന്ന അഭിഭാഷകന് മുസഫര്പൂര് ചീഫ് ജുഡീഷ്യൽ മജിസ്ട്രേറ്റ് കോടതിയിലാണ് പരാതി നല്കിയിട്ടുള്ളത്. ശനിയാഴ്ച നല്കിയ പരാതിയില് ലോക്സഭാ പ്രതിപക്ഷ നേതാവ് രാഹുല് ഗാന്ധിയെയും വയനാട് എംപി പ്രിയങ്കാ ഗാന്ധിയെയും കൂടി പ്രതിചേര്ത്ത് എഫ്ഐആര് രജിസ്റ്റർ ചെയ്യണം എന്നും ആവശ്യപ്പെട്ടിട്ടുണ്ട്.
