സുരക്ഷ ശക്തമാക്കുന്നതിന്റെ ഭാഗമായി എല്ലാ പുതിയ ഫോണുകളിലും സഞ്ചാര് സാഥി ആപ്പ് നിര്ബന്ധമാക്കാന് ഫോണ് നിര്മ്മാതാക്കളോട് നിര്ദേശിച്ചിരിക്കുകയാണ് കേന്ദ്രസര്ക്കാര്. സഞ്ചാര് സാഥി ആപ്പ് നിരവധി സേവനങ്ങളാണ് നല്കുന്നത്. ഫോണിലും വാട്സ്ആപ്പിലും വരുന്ന തട്ടിപ്പ് കോളുകളും മെസേജുകളും ടെലികോം വകുപ്പിനെ അറിയിക്കാം. ഈ നമ്പറുകള് കേന്ദ്രം ബ്ലോക്ക് ചെയ്യും. നഷ്ടപ്പെടുന്ന ഫോണ് മോഷ്ടാവ് ഉപയോഗിക്കാതിരിക്കാനും ട്രാക്ക് ചെയ്യാനുമുള്ള സംവിധാനം ഇതിലുണ്ട്. അപേക്ഷ നല്കിയാല് ഫോണിന്റെ ഐഎംഇഐ നമ്പറുകള് ബ്ലോക് ആകും. ഫോണ് തിരികെ ലഭിച്ചാല് ബ്ലോക്ക് നീക്കാം. ഉപയോക്താക്കളുടെ […]
‘ദശാവതാരം’ മലയാളം പതിപ്പിന്റെ ട്രെയ്ലര്
സീ സ്റ്റുഡിയോയുമായി സഹകരിച്ച് മാക്സ് മാര്ക്കറ്റിംഗ് അവതരിപ്പിക്കുന്ന ‘ദശാവതാരം’ മലയാളം പതിപ്പിന്റെ ട്രെയ്ലര് പുറത്ത്. മറാത്തിയിലെ ബ്ലോക്ക്ബസ്റ്റര് ആയി മാറിയ ഈ ചിത്രത്തിന്റെ മലയാളം പതിപ്പ് 2025 ഡിസംബര് 12 ന് ആണ് കേരളത്തില് റിലീസ് ചെയ്യുന്നത്. സുബോധ് ഖാനോല്ക്കര് രചിച്ചു സംവിധാനം ചെയ്ത ചിത്രം നിര്മ്മിച്ചത് ഓഷ്യന് ഫിലിം കമ്പനി, ഓഷ്യന് ആര്ട്ട് ഹൌസ് പ്രൊഡക്ഷന് എന്നീ ബാനറുകളില് സുജയ് ഹാന്ഡെ, ഓങ്കാര് കേറ്റ്, സുബോധ് ഖനോല്ക്കര്, അശോക് ഹാന്ഡെ, ആദിത്യ ജോഷി, നിതിന് സഹസ്രബുധെ, […]
‘ദി ലേറ്റ് കുഞ്ഞപ്പ’ ചിത്രത്തിന്റെ ടീസര്
കണ്ണൂര് കഫേയുടെ ബാനറില് ഷിജിത്ത് കല്യാടന് രചനയും സംവിധാനവും നിര്വ്വഹിക്കുന്ന ‘ദി ലേറ്റ് കുഞ്ഞപ്പ’ എന്ന ചിത്രത്തിന്റെ ടീസര് പുറത്തെത്തി. കണ്ണൂര് കഫേയുടെ യൂട്യൂബ് ചാനലിലൂടെയാണ് ടീസര് എത്തിയിരിക്കുന്നത്. തരുണ് സുധാകരനാണ് ചിത്രത്തിന്റെ ഛായാഗ്രഹണവും കളറിംഗും നിര്വ്വഹിച്ചിരിക്കുന്നത്. പ്രേക്ഷകരെ ചിരിപ്പിക്കുകയും ചിന്തിപ്പിക്കുകയും ചെയ്യുന്ന പരമ്പരയായ ‘കണ്ണൂര് കഫേ’യിലെ സ്ഥിരം അഭിനേതാക്കളായ രാമകൃഷ്ണന് പഴശ്ശി, ശശിധരന് മട്ടന്നൂര്, ബിജൂട്ടന് മട്ടന്നൂര്, രതീഷ് ഇരിട്ടി, ലീല കൂമ്പാള എന്നീവരാണ് ‘ദി ലേറ്റ് കുഞ്ഞപ്പ’യിലെ പ്രധാന കഥാപാത്രങ്ങളെ അവതരിപ്പിക്കുന്നത്. കൂടാതെ നാട്ടിന്പുറത്തെ […]
ടാറ്റ ഹാരിയറും സഫാരിയും ഡിസംബര് 9 നെത്തും
രാജ്യത്തെ ജനപ്രിയ വാഹന ബ്രാന്ഡായ ടാറ്റ മോട്ടോഴ്സ് 2025 നവംബറില് മികച്ച പ്രകടനം കാഴ്ചവച്ചു. ഈ കാലയളവില് ടാറ്റ കാറുകള് ഏകദേശം 60,000 പുതിയ ഉടമകളെ നേടി. ആഭ്യന്തര വില്പ്പന ശക്തമായി തുടരുമ്പോള് തന്നെ കയറ്റുമതി കണക്കുകളില് ഗണ്യമായ കുതിച്ചുചാട്ടം ഉണ്ടായി. വിദേശത്ത് ടാറ്റ വാഹനങ്ങള്ക്കുള്ള ഡിമാന്ഡ് വര്ദ്ധിക്കുന്നത് ഇതിന് ഒരു പ്രധാന കാരണമാണ്. പെട്രോള് ഇന്ധനമായി പ്രവര്ത്തിക്കുന്ന ഹാരിയറും സഫാരിയും ഡിസംബര് 9 ന് പുറത്തിറങ്ങും. വില്പ്പനയുടെ കാര്യത്തില്, ടാറ്റ മോട്ടോഴ്സ് 2025 നവംബറില് ആകെ […]
ഭൂമിയുടെ ഓര്മ്മക്കുറിപ്പുകള്
ഭൂമിയോടും പ്രകൃതിയോടും ജീവനോടുമുള്ള മനുഷ്യരാശിയുടെ ധാര്മ്മിക ഉത്തരവാദിത്വമെന്തെന്നു വിവരിക്കുന്ന കാലാതീതമായ കൃതിയാണ് ആല്ഡോ ലിയോപോള്ഡിന്റെ ‘എ സാന്ഡ് കൗണ്ടി അല്മനാക്ക്’. പ്രകൃതിനിരീക്ഷകന്റെ കരുതലും കവിയുടെ കവനചാരുതയും ഒത്തുചേരുന്ന ഭാഷയിലാണ് ലിയോപോള്ഡ് ഈ കൃതി രചിച്ചിരിക്കുന്നത്. ‘ഭൂധാര്മ്മികത’ എന്ന മൗലികമായ ആശയം അവതരിപ്പിക്കുന്ന ഈ കൃതി, പരിസ്ഥിതിമേഖലയിലെ എക്കാലത്തെയും മികച്ച ക്ലാസിക്കായി കണക്കാക്കപ്പെടുന്നു. ഭൂമിക്കായി ഒരു പ്രകൃത്യുപാസകന് 1949-ല് രചിച്ച കുറിപ്പുകള്. ‘ഭൂമിയുടെ ഓര്മ്മക്കുറിപ്പുകള്’. പരിഭാഷ – പി.പി.കെ. പൊതുവാള്. മാതൃഭൂമി. വില 331 രൂപ.
രാത്രി എട്ട് മണിക്കുള്ളില് അത്താഴം കഴിക്കാം
കഴിക്കുന്ന ഭക്ഷണം പോലെ തന്നെ പ്രധാനമാണ് ഭക്ഷണത്തിന്റെ സമയക്രമവും. രാത്രി എട്ട് മണിക്കുള്ളില് അത്താഴം കഴിക്കുന്നതാണ് ഏറ്റവും നല്ലത്. അതിനു ശേഷം ഭക്ഷണം കഴിക്കുന്നത് ആരോഗ്യത്തെ പലതരത്തില് ബാധിക്കാം. വൈകുന്നേരമാകുമ്പോഴേക്കും ശരീരത്തിലെ മെറ്റബോളിസം മന്ദഗതിയിലാകും. ഇത് ദഹനപ്രശ്നങ്ങള്ക്കും രക്തത്തിലെ പഞ്ചസാരയുടെ അളവു വര്ധിക്കുന്നതിനും കാരണമാകും. കൂടാതെ ഹോര്മോണ് ബാലന്സും തകിടം മറിക്കാന് ഇടയാക്കും. ഉറക്കത്തിന് തൊട്ടുമുന്പ് ഭക്ഷണം കഴിക്കുന്നത് ഉറക്കത്തെയും ദഹനത്തെയും ബാധിക്കും. ഇത് ഇന്സുലിന് സ്പൈക്കിന് കാരണമാകും. ശരീരം വിശ്രമിക്കുമ്പോഴാണ് മൊലാറ്റോണിന് ഉല്പ്പാദനം തുടങ്ങിയ പ്രതിരോധ […]
മദ്ധ്യാഹ്ന വാർത്തകൾ
വോട്ടര് പട്ടിക പരിഷ്ക്കരണത്തില് അടിയന്തര ചര്ച്ച വേണമെന്ന പ്രതിപക്ഷ ആവശ്യം പാര്ലമെന്റില് സര്ക്കാര് തള്ളി. 48 ബിഎല്ഒമാര് മരിച്ച് വീണെന്നും ഇന്ന് തന്നെ ചര്ച്ച വേണമെന്നും രാജ്യസഭ പ്രതിപക്ഷ നേതാവ് മല്ലികാര്ജ്ജുന് ഖര്ഗെ ആവശ്യപ്പെട്ടു. പഴയ ചെയര്മാനെ പോലെ ഭരണപക്ഷത്തെ മാത്രം പരിഗണിച്ചാല് പോരെന്ന് സിപി രാധാകൃഷ്ണന് മുന്നറിയിപ്പും നല്കി. തുടര്ന്ന് സഭ നേതാവ് ജെപി നദ്ദയോട് മറുപടി നല്കാന് സിപി രാധാകൃഷ്ണന് നിർദ്ദേശിച്ചു. പ്രതിപക്ഷ നേതാക്കളുമായി ചര്ച്ച ചെയ്ത് സമയം നിശ്ചയിക്കാമെന്ന് നദ്ദ പറഞ്ഞു.എന്നാല് ഉടന് […]
കെഎസ്ആർടിസി ഡ്രൈവറെ തടഞ്ഞ കേസിൽ നിന്ന് മേയറെയും സച്ചിൻ ദേവ് എംഎൽഎയേയും കുറ്റപത്രത്തിൽ നിന്നും ഒഴിവാക്കി
കെഎസ്ആർടിസി ഡ്രൈവറെ തടഞ്ഞ കേസിൽ നിന്ന് മേയർ ആര്യ രാജേന്ദ്രനെയും ഭർത്താവ് സച്ചിൻ ദേവ് എംഎൽഎയേയും കുറ്റപത്രത്തിൽ നിന്നും ഒഴിവാക്കി. മേയറുടെ സഹോദരൻ അരവിന്ദ് മാത്രമാണ് കേസിൽ പ്രതി. മേയറും എംഎൽഎയും ഔദ്യോഗിക കൃത്യനിർവ്വഹണം തടസ്സപ്പെടുത്തുകയോ അസഭ്യം പറയുകയോ ചെയ്തിട്ടില്ല. യദു നൽകിയ സ്വകാര്യ ഹർജി പരിഗണിച്ച് കോടതി നേരിട്ട് കേസ് എടുക്കാൻ നിർദ്ദേശിച്ചത് അനുസരിച്ചാണ് കേസ് എടുത്തത്. തിരുവനന്തപുരം ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് കേസ് പരിഗണിക്കുന്നത്. അതേസമയം, കെഎസ്ആർടിസി ഡ്രൈവർ യദുവിനെതിരെ കുറ്റപത്രം […]
കോഴിക്കോട് കാരശ്ശേരി ബാങ്കിൽ ഭരണം പിടിക്കാന് വഴിവിട്ട നീക്കങ്ങളെന്ന് പരാതി
കോഴിക്കോട് കാരശ്ശേരി ബാങ്കിൽ ഭരണം പിടിക്കാന് വഴിവിട്ട നീക്കങ്ങളെന്ന പരാതിയെ തുടർന്ന് ഭരണസമിതി മരവിപ്പിച്ചു. ബാങ്ക് അഡ്മിനിസ്ട്രേറ്റീവ് നിയന്ത്രണത്തിലാക്കി. രാത്രിയിൽ ആരുമറിയാതെ 829 മെമ്പര്മാരെ ബാങ്കിൽ ചേര്ക്കാനുള്ള നീക്കം വിവാദമായിരുന്നു. ബാങ്ക് ചെയർമാന്റെ പിന്തുണയോടെ ഭരണം പിടിക്കാനാണ് സിപിഎം നീക്കമെന്നാണ് യുഡിഎഫിന്റെ ആരോപണം. കെപിസിസി അംഗം എൻകെ അബ്ദുറഹ്മാൻ ആണ് ബാങ്കിന്റെ ചെയര്മാൻ. മെമ്പര്മാരെ ചേര്ക്കാന് തങ്ങളുടെ ഐഡിയും പാസ് വേഡും ദുരുപയോഗം ചെയ്തെന്നാണ് ജീവനക്കാരുടെ പരാതി. സംഭവത്തിൽ പൊലീസ് അന്വേഷണം തുടങ്ങി. യുഡിഎഫ് ഭരണസമിതിയിലെ ഒമ്പത് […]
ശബരിമല സ്വര്ണകൊള്ള കേന്ദ്ര ഏജന്സി അന്വേഷിക്കണമെന്ന് രാജീവ് ചന്ദ്രശേഖര്
ശബരിമല സ്വര്ണകൊള്ള കേന്ദ്ര ഏജന്സി അന്വേഷിക്കണമെന്നും ഇതിനു പിന്നിൽ രാഷ്ട്രീയ നേതാക്കളുണ്ടെന്നും വൻ ഗൂഢാലോചനയുണ്ടെന്നും ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖര്. സ്വര്ണകൊള്ള മറച്ചുവെക്കാൻ പിണറായി സര്ക്കാര് എന്തും ചെയ്യുമെന്നും സ്വര്ണം മോഷ്ടിച്ചത് ഉണ്ണികൃഷ്ണൻ പോറ്റിയോ വാസുവോ മാത്രമാണെന്ന് ആരും വിശ്വസിക്കുന്നില്ലെന്നും അദ്ദേഹം പറഞ്ഞു. ശബരിമല സ്വര്ണ കൊള്ളക്ക് പുറകിൽ രാഷ്ട്രീയ നേതാക്കളുണ്ട്. കേന്ദ്ര ഏജന്സി തന്നെ അന്വേഷിച്ചാലെ യഥാര്ത്ഥ കുറ്റക്കാരെ കണ്ടെത്താനാകൂ എന്നും അദ്ദേഹം കൂട്ടിച്ചേർത്തു.
