ആലപ്പുഴ മണ്ണഞ്ചേരിയില് കെഎസ്ആര്ടിസി ബസ്സിടിച്ച് വിദ്യാര്ത്ഥിനിക്ക് ദാരുണാന്ത്യം. പഞ്ചായത്ത് 21-ാം വാർഡ് പനക്കൽ മസ്ജിദിന് സമീപം കോഴിപ്പറമ്പിൽ സിയാദ് – സഫീല ദമ്പതികളുടെ മകൾ സഫ്ന സിയാദ് (15) ആണ് മരിച്ചത്. ട്യൂഷൻ സെന്ററിലേക്ക് പോകാനായി റോഡ് മറികടക്കവേയാണ് അപകടം നടന്നത്. പ്രൈവറ്റ് ബസിറങ്ങി റോഡ് മുറിച്ച് കടന്നപ്പോഴായിരുന്നു എതിരെ വന്ന കെ.എസ്.ആർ.ടി.സി ബസ് സഫ്നയെ ഇടിച്ചത്.തലയിലൂടെ ബസിന്റെ ചക്രം കയറിയിറങ്ങി സഫ്ന സംഭവ സ്ഥലത്ത് വെച്ച് തന്നെ മരിച്ചു. ശനിയാഴ്ച ഉച്ചക്ക് രണ്ട് മണിയോടെ ആലപ്പുഴ […]
കൈക്കൂലി;അഭിഭാഷക അസോസിയേഷൻ ഭാരവാഹിക്കെതിരെ പൊലീസിന്റെ പ്രാഥമിക അന്വേഷണം.
ബലാത്സംഗ കേസിൽ ഉൾപ്പെട്ട സിനിമാ നിർമ്മാതാവിൽ നിന്നും കൈക്കൂലി വാങ്ങിയ സംഭവത്തിൽ അഭിഭാഷക അസോസിയേഷൻ ഭാരവാഹിക്കെതിരെ പൊലീസിന്റെ പ്രാഥമിക അന്വേഷണം. ഹൈക്കോടതി ജഡ്ജിക്ക് നൽകാനെന്ന പേരിലാണ് പണം വാങ്ങിയതെന്ന് പരാമർശം. ഹൈക്കോടതി റജിസ്ട്രാറുടെ കത്തിന്റെ അടിസ്ഥാനത്തിലാണ് ഡിജിപി അന്വേഷണത്തിന് നിർദ്ദേശിച്ചത്. പ്രാഥമിക അന്വേഷണം നടത്തി റിപ്പോർട്ട് സമർപ്പിക്കാനാണ് നിർദ്ദേശം. പ്രാഥമിക അന്വേഷണത്തിന് ശേഷമാകും കേസ് രജിസ്റ്റർ ചെയ്യുക. കൊച്ചി സിറ്റി പൊലിസ് കമ്മിഷണറാണ് അന്വേഷണം നടത്തുക. ബലാത്സംഗ കേസിൽ ഉൾപ്പെട്ട സിനിമാ നിർമ്മാതാവിൽ നിന്നാണ് ജഡ്ജിക്ക് നൽകാനെന്ന […]
സർക്കാർ വാഹനങ്ങള്ക്ക് പുതിയ നമ്പർ സീരീസ്
സർക്കാർ വാഹനങ്ങളുടെ ദുരുപയോഗം തടയാൻ നടപടിയുമായി മോട്ടാർവാഹനവകുപ്പ്. സർക്കാർ വാഹനങ്ങള്ക്ക് പുതിയ നമ്പർ സീരീസ് നൽകാൻ തീരുമാനിച്ചു. സ്വകാര്യ വാഹനങ്ങളിൽ സർക്കാർ ബോർഡ് വയ്ക്കാനുള്ള ഉദ്യോഗസ്ഥർക്കുള്ള അധികാരം പരിമിതിപ്പെടുത്താനും സർക്കാർ ആലോചിക്കുന്നു. മൂന്നു തരത്തിലാണ് പുതിയ നമ്പർ സീരിയസ് ക്രമീകരിക്കാൻ ശുപാർശ തയ്യാറാക്കിയിരിക്കുന്നത്. കെ.എൽ-15 നിലവിൽ കെഎസ്ആർടിസിക്കുള്ളതാണ്. സർക്കാർ വാഹനങ്ങള്ക്കിനി കെ.എൽ-15 എഎ രജിസ്ട്രേഷനായിരിക്കും. തദ്ദേശ സ്ഥാപനങ്ങള്ക്ക് കെഎൽ-15 എബിയും, അർദ്ധ സർക്കാർ- സർക്കാർ നിയന്ത്രിത സ്ഥാപനങ്ങളുടെ നമ്പർ കെഎൽ15-എസിയിലുമായിരിക്കും. പുതിയ നമ്പറിനെക്കുറിച്ച് ചർച്ച ചെയ്യാൻ ഗതാഗതമന്ത്രി […]
നോർക്ക എസ്.ബി.ഐ പ്രവാസി ലോണ്മേള 19 മുതല് 21 വരെ ആലപ്പുഴയിൽ
ആലപ്പുഴ ജില്ലയിലെ പ്രവാസി സംരംഭകർക്കായി നോര്ക്ക റൂട്ട്സും സ്റ്റേറ്റ് ബാങ്ക് ഓഫ് ഇന്ത്യയും സംയുക്തമായി ജനുവരി 19 മുതല് 21 വരെ ലോണ് മേള സംഘടിപ്പിക്കുന്നു. ആലപ്പുഴ ബീച്ച് റോഡിലെ എസ്.ബി.ഐ റീജിയണല് ബിസ്സിനസ്സ് ഓഫീസ് ബ്രാഞ്ചിലാണ് വായ്പാ മേള. രണ്ടുവര്ഷത്തില് കൂടുതല് വിദേശത്തു ജോലി ചെയ്ത് സ്ഥിരമായി നാട്ടില് മടങ്ങി വന്ന പ്രവാസികള്ക്ക് മേളയില് പങ്കെടുക്കാം. പ്രവാസി പുനരധിവാസത്തിനായി സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാക്കുന്ന നോര്ക്ക ഡിപ്പാര്ട്ട്മെന്റ് പ്രൊജക്റ്റ് ഫോര് റീട്ടേണ്ഡ് എമിഗ്രന്സ് […]
പ്രഭാത വാര്ത്തകള് | ജനുവരി 15
◾അന്ധവിശ്വാസങ്ങളും അനാചാരങ്ങളും തടയാനുള്ള ബില് 23 ന് ആരംഭിക്കുന്ന നിയമസഭാ സമ്മേളനത്തില് അവതരിപ്പിക്കും. മതപരമായ ആചാരങ്ങളെ ഒഴിവാക്കും. അന്ധവിശ്വാസങ്ങളും അനാചാരങ്ങളും പ്രോല്സാഹിപ്പിക്കുകയും അത്തരം പ്രവര്ത്തനങ്ങള് നടത്തുകയും ചെയ്യുന്നവര്ക്ക് ഏഴു വര്ഷംവരെ തടവു ശിക്ഷയും അമ്പതിനായിരം വരെ രൂപ പിഴയുമാണ് ബില്ലില് വ്യവസ്ഥ ചെയ്യുന്നത്. നിയമ, ആഭ്യന്തര വകുപ്പുകള് ചേര്ന്നു തയാറാക്കിയ ബില് മുഖ്യമന്ത്രിയുടെ പരിഗണനയക്കായി സമര്പ്പിച്ചിരിക്കുകയാണ്. ◾ഭരണഘടനാ വ്യവസ്ഥകള് മറികടന്നുകൊണ്ടാണ് സുപ്രീം കോടതി കൊളീജിയത്തിനു രൂപം നല്കിയിരിക്കുന്നതെന്ന് കേന്ദ്ര നിയമമന്ത്രി കിരണ് റിജ്ജു. ജഡ്ജിമാരുടെ നിയമനത്തില് ജഡ്ജിമാര് […]
കൊച്ചി ശാസ്ത്ര സാങ്കേതിക സർവകലാശാല വിദ്യാർത്ഥികൾക്ക് ഇനി ആർത്തവ അവധിയെടുക്കാം
കൊച്ചി ശാസ്ത്ര സാങ്കേതിക സർവകലാശാലയിലെ വിദ്യാർത്ഥികൾക്ക് ഇനി ആർത്തവ അവധിയെടുക്കാം. കേരളത്തിൽ ആദ്യമായാണ് ഒരു സർവകലാശാല ഇത്തരത്തിൽ ആർത്തവ അവധി നൽകുന്നത്.കുസാറ്റിൽ ഓരോ സെമിസ്റ്ററിലും 2% അധിക അവധി ആനുകൂല്യം നൽകാനാണ് സർവകലാശാല അധികൃതരുടെ തീരുമാനം. നിലവിൽ 75% ഹാജറുള്ളവർക്കേ സെമസ്റ്റർ പരീക്ഷ എഴുതാനാകൂ. ഹാജർ കുറവാണെങ്കിൽ മെഡിക്കൽ സർട്ടിഫിക്കറ്റ് നൽകിയാൽ സെമസ്റ്റർ പരീക്ഷ എഴുതാം. എന്നാൽ ആർത്തവ അവധിക്ക് മെഡിക്കൽ സർട്ടിഫിക്കറ്റ് ആവശ്യമില്ല.കുസാറ്റിലെ എല്ലാ വിദ്യാർഥികളും ആർത്തവ അവധിയെ സ്വാഗതം ചെയ്തിരിക്കുകയാണ്.
രാജ്യത്തെ ആദ്യ സമ്പൂര്ണ ഭരണഘടന സാക്ഷരത നേടിയ ജില്ലയായി കൊല്ലം
രാജ്യത്തെ ആദ്യ സമ്പൂര്ണ ഭരണഘടന സാക്ഷരത നേടിയ ജില്ലയായി കൊല്ലം. കേശവൻ സ്മാരക ടൗൺ ഹാളിൽ നടന്ന ചടങ്ങിൽ മുഖ്യമന്ത്രി പിണറായി വിജയനാണ് ഔദ്യോഗിക പ്രഖ്യാപനം നടത്തിയത്. ഒരു വര്ഷം കൊണ്ടാണ് ജില്ലയിലെ ഏഴ് ലക്ഷം കുടുബംങ്ങളെ ഭരണഘടനയുടെ അടിസ്ഥാന തത്വങ്ങൾ പഠിപ്പിച്ചത്.കൊല്ലം ജില്ലാ പഞ്ചായത്തും കിലയും ചേര്ന്നാണ് ദി സിറ്റിസണ് ക്യാമ്പയിൻ കഴിഞ്ഞ വര്ഷം ജനുവരിയിൽ തുടങ്ങിയത്. പത്ത് വയസിന് മുകളിൽ പ്രായമുള്ള എല്ലാവരേയും ഭരണഘടയുടെ അടിസ്ഥാന തത്വങ്ങൾ പഠിപ്പിച്ചു. രാജ്യത്തിന്റെ പുരോഗതി ലക്ഷ്യമാക്കുന്നവര് അധികാരത്തിൽ […]
മകരവിളക്ക് തൊഴുത് അയ്യപ്പഭക്തന്മാർ
ശബരിമല പൊന്നമ്പലമേട്ടില് മകരവിളക്ക് തെളിഞ്ഞു. മകരവിളക്ക് തൊഴുതുള്ള പതിനായിരക്കണക്കിന് ഭക്തരുടെ ശരണം വിളികളാല് നിറഞ്ഞിരിക്കുകയാണ് സന്നിധാനം. മണിക്കൂറുകൾ മുമ്പ് തന്നെ സന്നിധാനവും പരിസരവും അയ്യപ്പഭക്തരാല് നിറഞ്ഞിരുന്നു. ആറരക്ക് തിരുവാഭരണം ചാർത്തിയുള്ള ദീപാരാധനക്ക് ശേഷമായിരുന്നു പൊന്നമ്പല മേട്ടിലെ മകരജ്യോതി ദർശനം. പത്തിലധികം കേന്ദ്രങ്ങളിൽ നിന്നായി ഭക്തര് മകരവിളക്ക് ദര്ശിച്ചു. ഇടുക്കിയിൽ പുല്ലുമേട്, പരുന്തുംപാറ, പാഞ്ചാലിമേട് എന്നിവിടങ്ങളിൽ നിന്നും മകരജ്യോതി ദശിക്കാം. മൂന്ന് തവണ കർപ്പൂരവും ദീപങ്ങളും സന്നിധാനത്ത് തെളിയുകയും പൊന്നമ്പല മേട്ടിൽ ദീപാരാധന നടക്കുകയും ചെയ്തതോടെ ഭക്തരുടെ മനസും […]
രാത്രി വാര്ത്തകള്
അന്ധവിശ്വാസങ്ങളും അനാചാരങ്ങളും തടയാനുള്ള ബില് 23 ന് ആരംഭിക്കുന്ന നിയമസഭാ സമ്മേളനത്തില് അവതരിപ്പിക്കും. മതപരമായ ആചാരങ്ങളെ ഒഴിവാക്കും. അന്ധവിശ്വാസങ്ങലും അനാചാരങ്ങളും പ്രോല്സാഹിപ്പിക്കുകയും അത്തരം പ്രവര്ത്തനങ്ങള് നടത്തുകയും ചെയ്യുന്നവര്ക്ക് ഏഴു വര്ഷംവരെ തടവു ശിക്ഷയും അമ്പതിനായിരം വരെ രൂപ പിഴയുമാണ് കരട് ബില്ലില് വ്യവസ്ഥ ചെയ്യുന്നത്. നിയമ, ആഭ്യന്തര വകുപ്പുകള് ചേര്ന്നു തയാറാക്കിയ ബില് മുഖ്യമന്ത്രിയുടെ പരിഗണനയക്കായി സമര്പ്പിച്ചിരിക്കുകയാണ്. കേന്ദ്ര ബജറ്റില് മധ്യവര്ഗത്തിന്റെ അതൃപ്തി പരിഹരിക്കാനുള്ള പദ്ധതികള് വേണമെന്ന് ആര്എസ്എസ്. രണ്ടാം നരേന്ദ്ര മോദി സര്ക്കാരിന്റെ അവസാന സമ്പൂര്ണ […]
പ്രവര്ത്തക സമിതിയില് ശശി തരൂരിനെ ഉള്പ്പെടുത്തണമോ എന്ന കാര്യത്തില് എഐസിസി നേതൃത്വത്തില് ഭിന്നാഭിപ്രായം
സംസ്ഥാന നേതാക്കളുടെ പരാതി ശക്തമായതോടെ പ്രവര്ത്തക സമിതിയില് ശശി തരൂരിനെ ഉള്പ്പെടുത്തണമോ എന്ന കാര്യത്തില് എഐസിസി നേതൃത്വത്തില് ഭിന്നാഭിപ്രായം. തരൂരിന്റെ തേരോട്ടത്തില് കടുത്ത അതൃപ്തി അറിയിച്ച് നേതാക്കള് വിമര്ശനം കടുപ്പിക്കുമ്പോള് അതേ നാണയത്തില് മറുപടി നല്കുകയാണ് ശശി തരൂരും. ജനം തന്നെ കാണാന് ആഗ്രഹിക്കുന്നുവെന്നും, ക്ഷണിക്കുന്ന പരിപാടികളില് പങ്കെടുക്കുമെന്നും ശശി തരൂര് വ്യക്തമാക്കി. മുഖ്യമന്ത്രി കുപ്പായം തയ്യാറാക്കി വച്ചിട്ടില്ലെന്ന് ശശി തരൂര് തിരിച്ചടിച്ചു. സംസ്ഥാന നേതാക്കളുടെ വിമര്ശനത്തോട് തിരിച്ചടിച്ച തരൂര് തുടര്ന്നും കേരളത്തില് പരിപാടികളില് പങ്കെടുക്കുമെന്ന് വ്യക്തമാക്കി. […]
