സിപിഎം നേതാവ് കെകെ ലതിക കാഫിര് സ്ക്രീൻഷോട്ട് ഷെയര് ചെയ്തത് തെറ്റാണെന്ന് കെകെ ശൈലജ എംഎല്എ. സ്ക്രീൻഷോട്ട് എന്തിന് ഷെയര് ചെയ്തുവെന്ന് ചോദിച്ചപ്പോള് പൊതുസമൂഹം അറിയേണ്ടതല്ലേ എന്നായിരുന്നു കെകെ ലതികയുടെ മറുപടിയെന്നും കെകെ ശൈലജ പറഞ്ഞു. കാഫിര് പോസ്റ്റ് നിര്മിച്ചത് ആരാണെങ്കിലും പിടിക്കപ്പെടണം, യഥാര്ത്ഥ ഇടത് ചിന്താഗതിക്കാര് ഇത് ചെയ്യില്ലെന്നും, കണൂർ ജില്ലാ സെക്രട്ടറി തന്നെ സ്ക്രീൻഷോട്ട് പ്രചരിപ്പിച്ച ഗ്രൂപ്പുകളെ തള്ളി പറഞ്ഞിട്ടുണ്ടെന്നും ശൈലജ പറഞ്ഞു. അതോടൊപ്പം കാഫിർ പോസ്റ്റ് മാത്രമല്ല മാധ്യമങ്ങൾ അന്വേഷിക്കേണ്ടത് കാന്തപുരത്തിൻ്റെ പേരിൽ വ്യാജ ലെറ്റർ ഹെഡിൽ വന്ന പ്രചരണവും അന്വേഷിക്കണമെന്നും കെകെ ശൈലജ കുട്ടിച്ചേർത്തു.
