കടല് മണല് ഖനത്തില് നിന്ന് കേന്ദ്ര സര്ക്കാര് പിന്മാറണമെന്ന് ആവശ്യപ്പെട്ട് എഐസിസി ജനറല് സെക്രട്ടറി കെസി വേണുഗോപാല് എംപി നരേന്ദ്ര മോദിക്ക് കത്തുനല്കി. സംസ്ഥാനത്ത് കൊല്ലം സൗത്ത്, നോര്ത്ത്, ആലപ്പുഴ, പൊന്നാനി, ചാവക്കാട് എന്നിവിടങ്ങളില് തീരക്കടല് ഖനനം ചെയ്യുന്ന ലേല നടപടികളുമായി കേന്ദ്ര ഖനന മന്ത്രാലയം മുന്നോട്ട് പോകുകയാണെന്നും മത്സ്യമേഖലയേയും കടലിന്റെ ആവാസ വ്യവസ്ഥയെയും തകര്ക്കുന്നതാണ് കടല് ഖനനമെന്നും അദ്ദേഹം കത്തിൽ പറയുന്നു. കടലില് ഉപജീവനമാര്ഗം കണ്ടെത്തി ജീവിക്കുന്ന ലക്ഷകണക്കിന് മത്സ്യത്തൊഴിലാളി കുടുംബങ്ങളെ ബാധിക്കുന്ന വിഷയമാണിതെന്നും തീരക്കടല് ഖനനം ഗുരുതരമായ പാരിസ്ഥിതിക പ്രശ്നങ്ങള്ക്കും തീര ശോഷണത്തിനും കാരണമാകുമെന്നും വേണുഗോപാൽ കത്തിൽ വ്യക്തമാക്കുന്നു.
