കനത്ത മഴയിൽ സംസ്ഥാനത്ത് വ്യാപക നാശനഷ്ടം. മലപ്പുറത്ത് പുഴയിൽ കുളിക്കാനിറങ്ങിയ 15കാരനെ കാണാതായി. അമ്പലപ്പുഴയിൽ വീടിൻ്റെ മേൽക്കൂര തകര്ന്ന് അമ്മയ്ക്കും നാല് വയസുള്ള കുഞ്ഞിനും പരിക്കേറ്റു. പലയിടത്തും മണ്ണിടിഞ്ഞും മരം ഒടിഞ്ഞ് വീണും മറ്റും വീടുകൾ തകര്ന്നു. പൊരിങ്ങൽക്കുത്ത്, കല്ലാര് കുട്ടി, പാംബ്ല, മലങ്കര അണക്കെട്ടുകള് തുറന്നു. ചാവക്കാടും പൊന്നാനിയിലും കൊച്ചി കണ്ണമാലിയിലും ശക്തമായ മഴയും കാറ്റും, തുടർന്ന്കടലാക്രമണവും ഉണ്ടായി.പാലക്കാട് ആലത്തൂർ പത്തനാപുരത്തെ ഭാരതപ്പുഴ കടന്ന് ആലത്തൂരിലേക്ക് എത്താനുള്ള താത്കാലിക പാലം തകർന്നു.കനത്ത മഴയെ തുടർന്ന് ഇടുക്കി മൂന്നാറിൽ ദുരിതാശ്വാസ ക്യാമ്പുകൾ തുറന്നു.
