സംസ്ഥാനത്തെ സാമ്പത്തിക സ്ഥിതി ഗുരുതരമാണെന്നും വെല്ലുവിളികളെ അവസരമാക്കി മാറ്റുമെന്നും നയപ്രഖ്യാപന പ്രസംഗത്തില് ഗവര്ണര് രാജേന്ദ്ര വിശ്വനാഥ അര്ലേക്കര് പറഞ്ഞു. രാസലഹരി ഉള്പ്പെടെ ലഹരിയുടെ വേരറുക്കാന് സമഗ്ര പദ്ധതികള് നടപ്പാക്കും, എക്സ്സൈസ്, ആഭ്യന്തര, ആരോഗ്യ വകുപ്പുകളെ യോജിപ്പിച്ചാകും പദ്ധതികള്. സ്കൂളുകള് വഴി ബോധവല്ക്കരണം നടപ്പാക്കും. ഓണ്ലൈന് ലഹരി ശൃംഖലകള് തടയും. ലഹരിക്കേസുകളില് ഉള്പ്പെടുന്നവരുടെ സ്വത്തുക്കള് കണ്ടുകെട്ടുമെന്നും പ്രഖ്യാപനമുണ്ട്. മാനുഷികതയില് ഊന്നിയ, സുതാര്യമായ ഭരണമാണ് ലക്ഷ്യമിടുന്നത്. ക്ലീന് ഗവര്ണേന്സ് എന്നതായിരിക്കും സര്ക്കാര് മുദ്രാവാക്യമെന്നാണ് നയപ്രഖ്യാപനം.
