സന്ധികളെ ബാധിക്കുന്ന നീര്ക്കെട്ടിനെയാണ് ആര്ത്രൈറ്റിസ് എന്ന് പറയുന്നത്. ഭക്ഷണ കാര്യത്തില് ശ്രദ്ധിക്കുന്നത് സന്ധിവാതം മൂലമുള്ള വിഷമതകളെ ലഘൂകരിക്കാന് സഹായിക്കും. സന്ധിവാതമുള്ളവര് കഴിക്കേണ്ട ഭക്ഷണങ്ങള് എന്തൊക്കെയാണെന്ന് നോക്കാം. മഞ്ഞളില് അടങ്ങിയിരിക്കുന്ന കുര്ക്കുമിന് ആന്റി ഇന്ഫ്ലമേറ്ററി ഗുണങ്ങളുണ്ട്. ഇവ സന്ധിവാതത്തിന്റെ ലക്ഷണങ്ങളെ കുറയ്ക്കാന് സഹായിക്കും. ഇഞ്ചിയില് അടങ്ങിയിരിക്കുന്ന ജിഞ്ചറോളിന് ആന്റി ഇന്ഫ്ലമേറ്ററി ഗുണങ്ങളും ആന്റി ഓക്സിഡന്റ് ഗുണങ്ങളുമുണ്ട്. ഇവയും സന്ധിവാതത്തിന്റെ ലക്ഷണങ്ങളെ കുറയ്ക്കാന് സഹായിക്കും. വെളുത്തുള്ളിയിലടങ്ങിയിരിക്കുന്ന ‘ഡയാലില് ഡൈസള്ഫൈഡ്’ എന്ന ഘടകം സന്ധിവാതത്തോട് പൊരുതാന് സഹായിക്കുമെന്നാണ് പഠനങ്ങള് പറയുന്നത്. വിറ്റാമിനുകള്, ധാതുക്കള്, ആന്റി ഓക്സിഡന്റുകളും അടങ്ങിയ ഇലക്കറികള് കഴിക്കുന്നതും സന്ധിവാത രോഗികള്ക്ക് നല്ലതാണ്. സാല്മണ് പോലുള്ള ഫാറ്റി ഫിഷ് സന്ധിവാതമുള്ളവര്ക്ക് നല്ലതാണ്. ഇവയില് അടങ്ങിയിരിക്കുന്ന ഫാറ്റി ആസിഡ് സന്ധികളിലെ നീര്ക്കെട്ടിന് ആശ്വാസം നല്കും. വിറ്റാമിനുകളും ഒമേഗ 3 ഫാറ്റി ആസിഡുമൊക്കെ അടങ്ങിയ ഇവ സന്ധികളിലെ നീര്ക്കെട്ടിന് ആശ്വാസം നല്കും. അതിനാല് ബദാം,വാള്നട്സ്, പിസ്ത, ചിയാസീഡ്, ഫ്ലക്സ്സീഡ് തുടങ്ങിയവ കഴിക്കാം. ഗ്രീന് ടീ കുടിക്കുന്നത് സന്ധിവാതമുള്ളവര്ക്ക് നല്ലതാണ്. ഇതില് അടങ്ങിയിരിക്കുന്ന ആന്റിഓക്സിഡന്റുകള് അസ്ഥികള്ക്ക് ബലം നല്കും.