ജനറൽ ആശുപത്രി വളപ്പിൽ നിന്നും 12 ലോറി മാലിന്യവും നാല് ലോറി പാഴ്മരക്കഷണങ്ങളും നീക്കം ചെയ്തതിന് പിന്നാലെ കണ്ണാശുപത്രി പരിസരത്തും മെഗാ ക്ലീനിംഗിന് തിരുവനന്തപുരം നഗരസഭ. തലസ്ഥാനത്തെ ഏറ്റവും പ്രധാനപ്പെട്ട നേത്ര ചികിത്സാ കേന്ദ്രമായ ഗവണ്മെന്റ് കണ്ണാശുപത്രി വളപ്പിലെ 6 ഏക്കർ കോമ്പൗണ്ട് കാലങ്ങളായി കാടും പടർപ്പും മാലിന്യക്കൂനകളും നിറഞ്ഞ അവസ്ഥയിലാണ്. ആശുപത്രി ക്കുള്ളിലെത്തുന്നവരെ മാത്രമല്ല, സമീപവാസികളെയും ഇത് ദോഷകരമായി ബാധിക്കുന്നതിനാലാണ് നഗരസഭയുടെ ഇടപെടൽ.
