ഇന്ത്യൻ നാഷണൽ കോണ്ഗ്രസിന്റെയും, യൂത്ത് കോണ്ഗ്രസിന്റെയും ബാങ്ക് അക്കൗണ്ടുകൾ മരവിപ്പിച്ചുവെന്ന് കോണ്ഗ്രസ് ട്രഷറർ അജയ് മാക്കാൻ. ആദായനികുതി അടക്കാൻ 45 ദിവസം വൈകിയെന്ന പേരിൽ 210 കോടി രൂപ പിഴയും ചുമത്തി. പാര്ട്ടി ഇൻകംടാക്സ് അതോരിറ്റിയെ സമീപിച്ചതായി അജയ് മാക്കാൻ അറിയിച്ചു. ബിജെപി ഭരണഘടന വിരുദ്ധമായി ഇലക്ട്രല് ബോണ്ടിലൂടെ ആറായിരം കോടി സമാഹരിച്ച ബാങ്ക് അക്കൗണ്ട് നിലനില്ക്കുമ്പോഴാണ് കോണ്ഗ്രസിന്റ അക്കൗണ്ടുകള് മരവിപ്പിക്കപ്പെട്ടത്. നടപടിക്കെതിരെ രാജ്യവ്യാപകമായി പ്രതിഷേധം സംഘടിപ്പിക്കുമെന്നും അദ്ദേഹം അറിയിച്ചു.
