സംസ്ഥാനം ഇക്കൊല്ലം അതിദാരിദ്ര്യ മുക്തമാകുമെന്നും അതിനുള്ള പദ്ധതികൾ എല്ലാ ജില്ലകളിലും കാര്യക്ഷമമായി നടപ്പിലാക്കണമെന്നും മുഖ്യമന്ത്രി പിണറായി വിജയന്. തൈക്കാട് അതിഥി മന്ദിരത്തില് രണ്ട് ദിവസമായി ചേരുന്ന ജില്ലാ കളക്ടര്മാരുടെയും വകുപ്പ് മേധാവികളുടെയും വാര്ഷിക സമ്മേളനത്തില് സംസാരിക്കുകയായിരുന്നു മുഖ്യമന്ത്രി.നവംബര് മാസത്തോടെ കേരളം അതിദാരിദ്ര്യ കുടുംബങ്ങള് ഇല്ലാത്ത സംസ്ഥാനമാകും. ഇതിനായി സമഗ്രവും, ശാസ്ത്രീയവും പ്രായോഗികവുമായ പരിപാടികള് നടപ്പാക്കി വരികയാണ്. അത് ഊര്ജിതമാക്കണം. ഓരോ പഞ്ചായത്തിനും ബ്ലോക്കിനും മണ്ഡലങ്ങള്ക്കും അതിദരിദ്രരില്ലാത്ത കുടുംബങ്ങളെ പ്രഖ്യാപിക്കാവുന്നതാണ്. മാലിന്യമുക്ത പരിപാടികളില് സ്കൂളുകളെ കൂടുതലായി ഉള്പ്പെടുത്തി ബോധവല്ക്കരണം നടപ്പിലാക്കണമെന്നും മുഖ്യമന്ത്രി കൂട്ടിച്ചേർത്തു.
