കലാഭവൻ മണിയുടെ സഹോദരനും നര്ത്തകനുമായ ഡോ. ആര്എല്വി രാമകൃഷ്ണനുനേരെ ജാതി അധിക്ഷേപവുമായി കലാമണ്ഡലം സത്യഭാമ. യൂട്യൂബ് ചാനൽ അഭിമുഖത്തിനിടെ രാമകൃഷ്ണന് കാക്കയുടെ നിറമാണെന്നും മോഹിനിയാട്ടത്തിന് കൊള്ളില്ലെന്നുമായിരുന്നു വിവാദ പരാമർശം. ഡോ. ആര് എല് വി രാമകൃഷ്ണന് പിന്തുണയുമായി ഒരുപാട് പ്രമുഖര് ഫേയ്സ്ബുക്കില് പോസ്റ്റുകളിട്ടു. പലവിധ അധിക്ഷേപങ്ങളെയും അതിജീവിച്ചാണ് മുന്നോട്ട് പോകുന്നതെന്നും വിഷയത്തില് നിയമ നടപടി സ്വീകരിക്കുമെന്നും ഡോ. ആര്എല്വി രാമകൃഷ്ണൻ പറഞ്ഞു. സാംസ്കരിക രംഗത്ത് ഇത്തരം സവര്ണ ചിന്തയുള്ളവര് നിലയുറപ്പിച്ചാല് വലിയ ഭീകര അവസ്ഥയാണുണ്ടാകുകയെന്നും കലാഭവൻ മണിയടക്കമുള്ള ആളുകള് ഇത്തരം അധിക്ഷേപം നേരിട്ടിരുന്നുവെന്നും രാമകൃഷ്ണൻ പറഞ്ഞു. അതോടൊപ്പം പറഞ്ഞതില് ഉറച്ച് നിൽക്കുന്നു എന്നും കറുത്ത നിറമുള്ളവര് അതിനനുസരിച്ചുള്ള ജോലി ചെയ്യണമെന്നും കലാമണ്ഡലം സത്യഭാമ പറഞ്ഞു.
