നാവിക സേന ദിനാഘോഷങ്ങളിൽ പങ്കെടുക്കാൻ രാഷ്ട്രപതി ദ്രൗപതി മുര്മു വൈകിട്ട് നാല് മണിയോടെ തിരുവനന്തപുരം വിമാനത്താവളത്തിലെ ടെക്നിക്കല് ഏരിയയില് എത്തും. രാഷ്ട്രപതിയെ ഗവര്ണറും മുഖ്യമന്ത്രിയും നാവിക സേനയുടെ മുതിര്ന്ന ഉദ്യോഗസ്ഥരും ചേര്ന്ന് സ്വീകരിക്കും. തുടര്ന്ന് ശംഖുമുഖത്തേക്ക് പോകുന്ന രാഷ്ട്രപതി നാവിക സേനയുടെ അഭ്യാസ പ്രകടനങ്ങള് വീക്ഷിക്കും. നാലരയോടെ പടക്കപ്പലുകളുംഅന്തര്വാഹിനികളും യുദ്ധവിമാനങ്ങളും ഉള്പ്പടെ അണിനിരക്കുന്ന അഭ്യാസ പ്രകടനങ്ങള് നടക്കും. പൊതുജനങ്ങള്ക്ക് ഉള്പ്പടെ കാണാവുന്ന തരത്തിലാണ് പരിപാടികള് ക്രമീകരിച്ചിരിക്കുന്നത്.
