ശബരിമലയിൽ അരവണയില് ചേര്ക്കുന്ന ഏലയ്ക്കയില് കീടനാശിനിയുടെ സാന്നിധ്യമുണ്ടെന്ന ആരോപണത്തെ തുടര്ന്ന് അരവണ വില്പന തടഞ്ഞുകൊണ്ട് ഹൈക്കോടതി പുറപ്പെടുവിച്ച വിധി സുപ്രീംകോടതി റദ്ദാക്കി. ഹൈക്കോടതിയില് നല്കിയ ഹര്ജി നിലനില്ക്കുന്നതായിരുന്നില്ലെന്നാണ് സുപ്രീംകോടതി അറിയിച്ചിരിക്കുന്നത്. തിരുവിതാംകൂർ ദേവസ്വം ബോർഡ് നൽകിയ അപ്പീൽ സുപ്രീംകോടതി അനുവദിക്കുകയും ചെയ്തു. അതോടൊപ്പ ഫുഡ് സേഫ്റ്റി സ്റ്റാന്ഡേര്ഡ് അതോറിറ്റി നടത്തിയ പരിശോധനയില് കീടനാശിനി സാന്നിധ്യമില്ലെന്ന സ്ഥിരീകരണം വന്നിരുന്നു.
