സുപ്രീംകോടതി കരുവന്നൂർ കേസിലെ പ്രതി പി സതീഷ്കുമാറിന്റെ ജാമ്യാപേക്ഷ പരിഗണിച്ചില്ല . ജസ്റ്റിസ് ബേലാ എം ത്രിവേദി അധ്യക്ഷയായ ബെഞ്ച് ജാമ്യാപേക്ഷ പരിഗണിക്കാൻ വിസമ്മതിച്ചതിനെ തുടർന്ന് ഹർജി പിൻവലിക്കാൻ അനുവദിക്കണമെന്ന് സതീഷ്കുമാറിന് വേണ്ടി ഹാജരായ അഭിഭാഷകൻ ആവശ്യപ്പെട്ടു. ഹർജി പിൻവലിക്കാൻ സുപ്രീംകോടതി അനുമതി നൽകി. പ്രത്യേക കോടതി കേസിലെ വിചാരണ വേഗത്തിലാക്കണമെന്നും വിചാരണ വൈകുകയാണെങ്കിൽ പ്രതിക്ക് വീണ്ടും കോടതിയെ സമീപിക്കാമെന്നും സുപ്രീംകോടതി ഉത്തരവിൽ പറഞ്ഞു.
