ഇന്ത്യൻ ശിക്ഷാ നിയമത്തിന് പകരമുള്ള പുതിയ ബില്ലിൽ രാജ്യവിരുദ്ധ പ്രവര്ത്തികള് കൃത്യമായി നിര്വചിച്ച് ശിക്ഷ കൂട്ടുകയാണ് ചെയ്തിരിക്കുന്നത്.ഭാരതീയ ന്യായ സംഹിതയിലെ 150ാം വകുപ്പ് രാജ്യദ്രോഹക്കുറ്റത്തെ മറ്റൊരു രീതിയിലാണ് അവതരിപ്പിച്ചിരിക്കുന്നത്. വാക്കുകള്, ആംഗ്യങ്ങള്, എഴുത്ത്, സാമ്പത്തിക സഹായം, ഇലക്ട്രോണിക് കമ്മ്യൂണിക്കേഷന് തുടങ്ങിയവയിലൂടെ രാജ്യത്തിന്റെ അഖണ്ഡതയും പരമാധികാരവും അപകടത്തിലാക്കുന്നതാണ് ഈ വകുപ്പ് പറയുന്നത്. ജീവപര്യന്തം തടവോ അല്ലെങ്കിൽ 7 വര്ഷം വരെ തടവും പിഴയുമോ ശിക്ഷയായി ലഭിക്കാം.രാജ്യവിരുദ്ധ പ്രവര്ത്തികള്ക്ക് കുറച്ചുകൂടി കൃത്യമായ നിര്വചനം നല്കി ശിക്ഷ കൂട്ടുകയാണ് പുതിയ ബില്ലില് ചെയ്തിട്ടുള്ളത്.
