കോട്ടയം വെസ്റ്റ് പോലീസ് സ്റ്റേഷനിലെ ഡ്രൈവര് സി.പി.ഒ ശ്യാം പ്രസാദിന്റെ കുടുംബത്തിന് നിലവിലെ വ്യവസ്ഥ പ്രകാരമുള്ള എല്ലാ ആനുകൂല്യങ്ങളും ലഭ്യമാക്കുന്നതിന് ആവശ്യമായ നടപടികള് സ്വീകരിക്കുമെന്ന് മുഖ്യമന്ത്രി പിണറായി വിജയന്. സി.പി.ഒ ശ്യാംപ്രസാദ് ഡ്യൂട്ടി കഴിഞ്ഞ് മടങ്ങവെ രാത്രി ഏറ്റുമാനൂരില് കട നടത്തുന്ന ഒരു സ്ത്രീയെയും സഹായിയെയും ഒരാള് മര്ദ്ദിക്കുകയും ഭീഷണിപ്പെടുത്തുകയും ചെയ്യുന്നത് തടയാന് ശ്രമിക്കുകയും തുടര്ന്ന് അക്രമി ശ്യാം പ്രസാദിനെ മാരകമായി ചവിട്ടി പരിക്കേല്പ്പിക്കുകയും ആശുപത്രിയില് ചികിത്സയിലിരിക്കെ ശ്യാം പ്രസാദ് മരണപ്പെടുകയുമുണ്ടായി. സംഭവദിവസം തന്നെ അറസ്റ്റിലായ പ്രതി ജിബിന് ജോര്ജ്ജ് റിമാന്റിലാണ്.
