സൈനികരുടെ സ്വകാര്യ വാഹനങ്ങൾക്ക് ടോൾ ഇളവ് നൽകിയേക്കും. പുതിയ ‘മൾട്ടിലെയ്ൻ ഫ്രീ ഫ്ലോടോൾ സംവിധാനം ഏർപ്പെടുത്തിയ ദേശീയപാതകളിൽ, സൈനികരുടെ വാഹനങ്ങൾക്ക് ടോൾ അടയ്ക്കാത്തതിന്റെ പേരിൽ ഇ ചല്ലാനുകൾ ലഭിക്കുന്നത് ഒഴിവാക്കാനാണ് ഈ നീക്കം. നിലവിലെ വ്യവസ്ഥയനുസരിച്ച് ടോൾ പ്ലാസകളിൽ തിരിച്ചറിയൽ കാർഡ് കാണിച്ച് സൈനികർക്ക് തങ്ങളുടെ സ്വകാര്യ വാഹനങ്ങൾക്ക് ടോൾ ഇളവ് നേടാൻ സാധിക്കും. എന്നാൽ, എം.എൽ.എഫ്.എഫ് സംവിധാനത്തിൽ ഫിസിക്കൽ ബാരിയറുകളോ ജീവനക്കാരുടെ നേരിട്ടുള്ള പരിശോധനയോ ഉണ്ടാകില്ല.
