എഡിജിപി അജിത് കുമാറിനെ മുഖ്യമന്ത്രി സംരക്ഷിക്കുന്നത് സംഘപരിവാറിനെ ഭയന്നാണെന്ന് കെപിസിസി പ്രസിഡന്റ് കെ.സുധാകരന്. സിപിഎമ്മിനെയും മുഖ്യമന്ത്രിയേയും തിരുത്താന് ഇടതുപക്ഷത്തെ ഘടകകക്ഷികള്ക്ക് കഴിയുന്നില്ലെന്നും അവര്ക്ക് നിലപാടുകള് ബലികഴിച്ച് സിപിഎമ്മിന്റെ ഇംഗിതത്തിന് വഴങ്ങേണ്ട ഗതികേടാണെന്നും അദ്ദേഹം പറഞ്ഞു. സിപിഎമ്മിലും എല്ഡിഎഫിലും ആര്എസ്എസ് സ്വാധീനം വര്ധിപ്പിച്ച് കാവിവത്കരണം ദ്രുതഗതിയില് പ്രോത്സാഹിപ്പിക്കുകയാണ് മുഖ്യമന്ത്രി പിണറായി വിജയന്. ആര്എസ്എസിനോടുള്ള തീണ്ടിക്കൂടായ്മ സിപിഎം സൗകര്യപൂര്വ്വം മറന്നു. പ്രത്യയശാസ്ത്ര പരമായ വെല്ലുവിളിയാണ് സിപിഎം നേരിടുന്നതെന്നും സുധാകരൻ പറഞ്ഞു. മുഖ്യമന്ത്രിയുടെ ആര്എസ്എസ് പ്രീണനം സിപിഎമ്മിനെ മൊത്തത്തില് ഗ്രസിച്ചിരിക്കുകയാണ്.അവരുടെ ഇരട്ടമുഖം കേരളത്തിലെ ന്യൂനപക്ഷങ്ങള് തിരിച്ചറിയണമെന്നും അദ്ദേഹം കൂട്ടിച്ചേർത്തു.
