സര്ക്കാര് ശബരിമല തീര്ഥാടനക്കാര്യത്തില് തികഞ്ഞ അനാസ്ഥയാണ് കാണിക്കുന്നത് എന്ന് രമേശ് ചെന്നിത്തല . ഇത്രയും ഭക്തജനത്തിരക്കുള്ള സ്ഥലത്ത് മണിക്കൂറുകളോളം പവര് കട്ട് ഉണ്ടാവുക എന്നത് അംഗീകരിക്കാനാവില്ല. മണ്ഡലക്കാലം അല്ലാതിരുന്നിട്ടു പോലും കഴിഞ്ഞ നാലു ദിവസങ്ങളായി അഭൂതപൂര്വമായ തിരക്കാണ് ശബരിമലയില് . അഞ്ചും ആറും മണിക്കൂറുകള് ഭക്തര് ദര്ശനത്തിനായി ക്യൂ നില്ക്കേണ്ടി വരുന്നു. ഭക്തജനത്തിരക്ക് നിയന്ത്രിക്കാന് വേണ്ട സംവിധാനങ്ങള് ശബരിമലയില് ഏര്പ്പെടുത്തുന്നതില് സര്ക്കാര് പരാജയപ്പെട്ടിരിക്കുകയാണ്. ആവശ്യത്തിന് പോലീസിനെ സന്നിധാനത്ത് നിയോഗിച്ചിട്ടില്ല എന്നും അദ്ദേഹം കുറ്റപ്പെടുത്തി.
