നരേന്ദ്ര മോദി ഇനി പ്രധാനമന്ത്രിയാകില്ലെന്നും ഇനിയും അധികാരം കിട്ടിയാല് ബിജെപി ഭരണഘടന ഇല്ലാതാക്കുമെന്നും രാഹുല് ഗാന്ധി. ഉത്തര്പ്രദേശിലെ കനൗജില് നടന്ന റാലിയ്ക്കിടെ പ്രസംഗിക്കുകയായിരുന്നു രാഹുല് ഗാന്ധി. രാജ്യത്തെ മാറ്റം ഉത്തർപ്രദേശിലൂടെ ആയിരിക്കും, മോദി അദാനിയെയും അംബാനിയെയും വിളിച്ച് രക്ഷിക്കണമെന്ന് പറയുകയാണ്, ഇന്ത്യ സഖ്യം തോല്പിക്കുമെന്ന ഭയമാണ് മോദിക്ക്, അടുത്ത പത്ത് പതിനഞ്ച് ദിവസം ജനങ്ങളുടെ ശ്രദ്ധ തിരിക്കാനുള്ള ശ്രമമാണ് ബിജെപി നടത്തുന്നതെന്നും രാഹുല് ഗാന്ധി പറഞ്ഞു. ബിജെപി ഏറെ പ്രതീക്ഷാപൂര്വം കണക്കാക്കുന്ന ഉത്തര്പ്രദേശില് ഇന്ത്യ സഖ്യത്തിന്റെ കൊടുങ്കാറ്റാണ് വീശുന്നതെന്നും ബിജെപിയുടെ ഏറ്റവും വലിയ തോല്വി യുപിയിലായിരിക്കുമെന്നും രാഹുല് കൂട്ടിച്ചേർത്തു.
