പൊലീസില് നിന്നും രക്ഷപ്പെടാന് താമരശ്ശേരി മൈക്കാവ് സ്വദേശിയായ ഷാനിദ് എന്ന യുവാവ് ലഹരിമരുന്ന് വിഴുങ്ങിയതിനെ തുടർന്ന് മരണപ്പെട്ടതിന്റെ കാരണം അമിത അളവില് ശരീരത്തില് രാസലഹരിമരുന്ന് എത്തിയത് കൊണ്ടെന്ന് പോസ്റ്റ് മോര്ട്ടം റിപ്പോര്ട്ട്. രണ്ട് പാക്കറ്റുകളിലൊന്നില് കഞ്ചാവാണെന്നും പോസ്റ്റുമോര്ട്ടത്തില് വ്യക്തമായി. താമരശ്ശേരി അമ്പായത്തോട് വെച്ച് പൊലീസ് പിടിയില് നിന്നും രക്ഷപ്പെടാന് രണ്ട് പാക്കറ്റ് മയക്കുമരുന്ന് വിഴുങ്ങിയ ഷാനിദ് ഇന്നലെയാണ് മെഡിക്കല് കോളേജില് വെച്ച് മരിച്ചത്. അമിതമായി ലഹരിമരുന്ന് ശരീരത്തിലെത്തിയത് ആന്തരിക അവയവങ്ങളുടെ പ്രവര്ത്തനത്തെ സാരമായി ബാധിച്ചുവെന്നും റിപ്പോർട്ടിലുണ്ട്.
