തൃപ്പൂണിത്തുറയിലുണ്ടായ സ്ഫോടനവുമായി ബന്ധപ്പെട്ട് പുതിയകാവ് ക്ഷേത്രോത്സവത്തിന്റെ നടത്തിപ്പുകാരായ വടക്കുംപുറം കരയോഗത്തിലെയും തെക്കുംപുറം കരയോഗത്തിലെയും അമ്പല കമ്മിറ്റി ഭാരവാഹികള്ക്കെതിരെ പൊലീസ് മനപൂര്വം അല്ലാത്ത നരഹത്യയ്ക്ക് കേസെടുത്തു. വെടിക്കെട്ട് നടത്തുന്നതിന് അമ്പലക്കമ്മിറ്റിക്ക് അനുമതി നൽകിയിരുന്നില്ലെന്നും അനധികൃതമായാണ് സ്ഫോടക വസ്തുക്കൾ സൂക്ഷിച്ചിരുന്നതെന്നുമാണ് പൊലീസ് പറയുന്നത്. വെടിക്കെട്ട് നടത്താൻ കരാറെടുത്ത കരാറുകാരൻ ഉള്പ്പെടെ ചികിത്സയിലായതിനാല് ഇവരില്നിന്നും വിവരങ്ങള് തേടാനായിട്ടില്ല.
