ലോകത്തെ മുന്നിര എഐ കമ്പനിയായ ആന്ത്രോപിക്കില് 1000 കോടി ഡോളര് നിക്ഷേപിക്കാന് ചിപ്പ് നിര്മാതാക്കളായ എന്വിഡിയ. ഐ.പി.ഒയിലൂടെ നിര്മിതബുദ്ധി സ്റ്റാര്ട്ടപ്പായ ആന്ത്രോപിക് 100 ബില്യണ് (10,000 കോടി) ഡോളര് വരെ സമാഹരിക്കാനാണ് ലക്ഷ്യമിടുന്നത്. ഈ നീക്കം കമ്പനിയുടെ മൂല്യം ഏകദേശം 2 ട്രില്യണ് ( 2 ലക്ഷം കോടി) ഡോളര് ആയി ഉയര്ത്തിയേക്കാം. 10 ബില്യണ് ഡോളര് വരെ നിക്ഷേപിക്കാനുള്ള എന്വിഡിയ നീക്കത്തിന്റെ ഭാഗമായ ചര്ച്ചകള് രഹസ്യ സ്വഭാവമുള്ളതാണ്. എന്വിഡിയ ജി.പിയുകളെ ആന്ത്രോപിക് വന്തോതില് ആശ്രയിക്കുന്നതോടൊപ്പം ചിപ്പ് വിതരണക്കാരെ വൈവിധ്യവത്കരിക്കാനും അവര് ശ്രമിക്കുന്നുണ്ട്. മൈക്രോസോഫ്റ്റും എന്വിഡിയയും തമ്മിലും ഇത്തരത്തിലുള്ള പങ്കാളിത്തമുണ്ട്. വിപുലമായ പങ്കാളിത്തത്തിന്റെ ഭാഗമായി മൈക്രോസോഫ്റ്റിന്റെ എ.ഐ സ്റ്റാര്ട്ടപ്പില് 10 ബില്യണ് ഡോളര് വരെ നിക്ഷേപിക്കുമെന്ന് 2025 നവംബറില് എന്വിഡിയ വ്യക്തമാക്കിയിരുന്നു.
