റിയാസ് മൗലവി വധക്കേസ് ഉന്നതപോലീസ് സംഘം പുനഃരന്വേഷിക്കണമെന്ന് കെപിസിസി ആക്ടിംഗ് പ്രസിഡന്റ് എംഎം ഹസന് ആവശ്യപ്പെട്ടു. ഒരു മുസ്ലീംപണ്ഡിതനെ അതിദാരുണമായി കൊലപ്പെടുത്തിയ കേസില് യുഎപിഎ ചുമത്താതിരുന്നത് വ്യക്തമായ അന്തര്ധാരയുടെ അടിസ്ഥാനത്തിലാണെന്നും, യുഎപിഎ ചുമത്താതിരുന്നതിന് അതു സര്ക്കാരിന്റെ നയമല്ലെന്നാണ് മുഖ്യമന്ത്രി ന്യായീകരിച്ചത്. എന്നാല് അതേ മുഖ്യമന്ത്രിയാണ് മാവോയിസ്റ്റ് സാഹിത്യം വായിച്ചെന്ന പേരില് അലന്റെയും താഹയുടെയും ജീവിതം യുഎപിഎ ചുമത്തി ജയിലിടച്ച് തകര്ത്തതെന്നും അദ്ദേഹം കൂട്ടിച്ചേർത്തു.
