കോഴിക്കോട് ഓര്ഗന് ആന്റ് ടിഷ്യു ട്രാന്സ്പ്ലാന്റ് ഇന്സ്റ്റിറ്റ്യൂട്ടിന്റെ നിര്മ്മാണം സമയബന്ധിതമായി പൂര്ത്തിയാക്കുമെന്ന് മന്ത്രി വീണാ ജോര്ജ്. കിഫ്ബി വഴി 558.68 കോടി രൂപ ചെലവില് ട്രാന്സ്പ്ലാന്റ് ഇന്സ്റ്റിറ്റ്യൂട്ട് സ്ഥാപിക്കുന്നതിന് കഴിഞ്ഞ ദിവസം മന്ത്രിസഭാ യോഗം അനുമതി നല്കിയിരുന്നു. അവയവദാന മേഖലയുമായി ബന്ധപ്പെട്ട എല്ലാ പ്രവര്ത്തനങ്ങളും ഒരു കുടക്കീഴില് കൊണ്ടു വരുന്നതിനാണ് ട്രാന്സ്പ്ലാന്റ് ഇന്സ്റ്റിറ്റ്യൂട്ട് ആരംഭിക്കുന്നത്.
