ഭക്ഷ്യ സ്ഥാപനങ്ങളില് ജോലി ചെയ്യുന്നവര് ഹെല്ത്ത് കാര്ഡ് എടുത്തില്ലെങ്കില് കര്ശന നടപടി സ്വീകരിക്കുമെന്ന് മന്ത്രി വീണാ ജോര്ജ്. സംസ്ഥാനത്ത് ഭക്ഷ്യ സ്ഥാപനങ്ങളില് ജോലി ചെയ്യുന്നവര്ക്ക് ഹെല്ത്ത് കാര്ഡ് നിര്ബന്ധമാണ്. ഭക്ഷ്യ സുരക്ഷാ വകുപ്പ് നടത്തിയ സ്പെഷ്യല് ഡ്രൈവില് ചില ജീവനക്കാര്ക്ക് ഹെല്ത്ത് കാര്ഡില്ലെന്നും ചിലര് പുതുക്കിയിട്ടില്ലെന്നും കണ്ടെത്തിയിട്ടുണ്ട്. ജോലി ചെയ്യുന്നവർ നാലാഴ്ചക്കുള്ളിൽ ഹെൽത്ത് കാർഡ് എടുക്കണമെന്നാണ് നിർദ്ദേശം. ഹെൽത്ത് കാർഡ് എടുക്കാതിരിക്കുകയോ പുതുക്കുകയോ ചെയ്തിട്ടില്ലെങ്കിൽ കർശന നടപടി നേരിടേണ്ടി വരുമെന്നും മന്ത്രി അറിയിച്ചു.ഹോട്ടലുകള്, റെസ്റ്റോറന്റുകള് തുടങ്ങി എല്ലാ ഭക്ഷ്യ സ്ഥാപനങ്ങളും ജീവനക്കാര്ക്ക് ഹെല്ത്ത് കാര്ഡ് ഉറപ്പാക്കണമെന്നും മന്ത്രി അഭ്യര്ത്ഥിച്ചു.
