‘കാതല്’ എന്ന ചിത്രത്തിലെ മമ്മൂട്ടിയുടെ കഥാപാത്രത്തെ വെളിപ്പെടുത്തി സംവിധായകന് ജിയോ ബേബി. മാത്യു ദേവസി എന്നാണ് ചിത്രത്തില് മമ്മൂട്ടി അവതരിപ്പിക്കുന്ന കഥാപാത്രത്തിന്റെ പേര്. പഞ്ചായത്ത് തെരഞ്ഞെടുപ്പില് ഈ കഥാപാത്രം മത്സരിക്കുന്നുമുണ്ട്. തമിഴ് താരം ജ്യോതികയാണ് മമ്മൂട്ടിയുടെ നായിക. ചിത്രീകരണത്തിനായി വച്ചിരിക്കുന്ന ഫ്ലക്സിന്റെ ചിത്രം സോഷ്യല് മീഡിയയില് വൈറലായി. തീക്കോയി ഗ്രാമ പഞ്ചായത്ത് 3-ാം വാര്ഡ് ഇടത് സ്വതന്ത്ര സ്ഥാനാര്ഥി മാത്യു ദേവസിയെ വിജയിപ്പിക്കുക എന്നാണ് മമ്മൂട്ടിയുടെ ചിത്രമുള്ള ഫ്ലെക്സില് എഴുതിയിരിക്കുന്നത്. മമ്മൂട്ടി കമ്പനി നിര്മ്മിക്കുന്ന മൂന്നാമത്തെ ചിത്രമാണ് ഇത്. ലാലു അലക്സ്, മുത്തുമണി, ചിന്നു ചാന്ദിനി, സുധി കോഴിക്കോട്, അനഘ അക്കു, ജോസി സിജോ, ആദര്ശ് സുകുമാരന് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ തിരക്കഥ നിര്വഹിച്ചിരിക്കുന്നത് ആദര്ഷ് സുകുമാരനും പോള്സണ് സ്കറിയയും ചേര്ന്നാണ്.
