പ്രതിപക്ഷ നേതാവ് രാഹുല് ഗാന്ധിയെ വ്യക്തിപരമായി ശകാരിച്ച് ലോക്സഭ സ്പീക്കര് ഓംബിര്ല. കുടുംബാംഗങ്ങള് ലോക്സഭയില് നേരത്തെയും ഒന്നിച്ച് അംഗങ്ങളായിട്ടുണ്ടെന്നും, പ്രതിപക്ഷ നേതാവ് സഭയുടെ അന്തസ് കാത്ത് സൂക്ഷിക്കണമെന്നും ഓംബിര്ല ആവശ്യപ്പെട്ടു. സ്പീക്കര് അടിസ്ഥാനരഹിതമായി സംസാരിച്ചെന്നും, തനിക്ക് സംസാരിക്കാന് അവസരം നല്കിയില്ലെന്നും രാഹുല് ഗാന്ധിയും പ്രതികരിച്ചു. ശൂന്യവേളക്ക് പിന്നാലെയാണ് ചെയറിലുണ്ടായിരുന്ന സന്ധ്യറായ്യെ മാറ്റി നാടകീയമായീ സ്പീക്കര് ഓംബിര്ല കടന്നു വന്നത്. രാവിലെ സഭയിലില്ലാതിരുന്ന രാഹുല് എത്തിയതിന് പിന്നാലെയായിരുന്നു സ്പീക്കറുടെ വരവ്. പല അംഗങ്ങളും സഭയില് മര്യാദ ലംഘിക്കുന്നത് തന്റെ ശ്രദ്ധയില് പെടുന്നുവെന്ന് പറഞ്ഞാണ് ഓംബിര്ല രാഹുല് ഗാന്ധിക്കെതിരെ തിരിഞ്ഞത്.
