വിവാദമായി മാറിയ തിരുവനന്തപുരം കോർപ്പറേഷൻ മേയറുടെ ‘കത്ത്’ വിവാദത്തിലും സർവകലാശാല നിയമനങ്ങളുമായി ബന്ധപ്പെട്ട വിവാദങ്ങളിലും സി പി എം സംസ്ഥാന നേതൃത്വത്തിന് അതൃപ്തി. നിയമനങ്ങൾ പാർട്ടി പരിശോധിക്കാൻ തീരുമാനിച്ചിട്ടുണ്ടെങ്കിലും ഉടനടി വേണ്ടെന്നാണ് ധാരണ. വിവാദങ്ങള് തണുത്ത ശേഷമാകും പാര്ട്ടി ഇക്കാര്യത്തിൽ പരിശോധന നടത്തുക. കത്ത് വിവാദവും സര്വകലാശാല നിയമനങ്ങളും സെക്രട്ടേറിയറ്റ് ചര്ച്ച ചെയ്തു. വിവാദങ്ങള്ക്കിടയാക്കിയ സാഹചര്യങ്ങള് അടക്കം സി പി എം വിശദമായി പരിശോധിക്കും. ഭാവിയില് ഇത്തരം വിവാദങ്ങള് ആവര്ത്തിക്കാതിരിക്കാന് ജാഗ്രത പാലിക്കണമെന്നും സി പി എം സെക്രട്ടേറിയേറ്റിൽ അഭിപ്രായമുയർന്നിട്ടുണ്ട്.
