വൈദ്യുതി പ്രതിസന്ധിയുമായി ബന്ധപ്പെട്ട് നിയമസഭയിൽ അടിയന്തര പ്രമേയം അവതരിപ്പിച്ച് പ്രതിപക്ഷം. പ്രതിസന്ധി പരിഹരിക്കുന്നതിൽ സർക്കാർ വിജയിച്ചെന്നും ഒക്ടോബറിൽ നിയന്ത്രണം ഉണ്ടായിട്ടില്ലെന്നും വൈദ്യുതി വകുപ്പ് മന്ത്രി സണ്ണി ജോസഫ് പറഞ്ഞു. ‎ ‎ഉമ്മൻചാണ്ടി കാലത്തെ ദീര്‍ഘകാല വൈദ്യുതി കരാര്‍ ഇടതുസര്‍ക്കാർ റദ്ദാക്കിയെന്നത് ശുദ്ധനുണയെന്നും കരാര്‍ അംഗീകരിക്കാതിരുന്നത് റെഗുലേറ്ററി കമ്മീഷനാണെന്നും പ്രതിപക്ഷനേതാവ് പിണറായി വിജയൻ നിയമസഭയിൽ പറഞ്ഞു. റെഗുലേറ്ററി കമ്മിറ്റിയിൽ നിയോഗിച്ച പാര്‍ട്ടിക്കാരാണ് കരാര്‍ റദ്ദാക്കിയതെന്ന് മുഖ്യമന്ത്രി വി ഡി സതീശൻ തിരിച്ചടിച്ചു. ‎ ‎കേരളത്തിൽ വരുന്ന അധ്യയന വർഷം […]

മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിനെതിരെ മിന്നൽ സമരങ്ങൾക്ക് തയ്യാറായിരിക്കാൻ എംപിമാരോട് രാഹുൽ ഗാന്ധി ആവശ്യപ്പെട്ടു. വിളിപ്പുറത്ത് ഉണ്ടാകണമെന്നാണ് ഇന്ത്യാസഖ്യ നേതാക്കൾക്ക് നിർദേശം നല്‍കിയിരിക്കുന്നത്. ജന്തർമന്തർ വളയാൻ നീക്കമെന്നാണ് രഹസ്യാന്വേഷണ ഏജൻസികളുടെ റിപ്പോർട്ട്. സുപ്രീംകോടതിയിലെ നടപടികൾ എന്താവുമെന്ന് അറിയാൻ കാത്തിരിക്കണമെന്ന് ഇന്ത്യാസഖ്യത്തിലെ നേതാക്കൾ വ്യക്തമാക്കി. ദില്ലിയിൽ ഒക്ടോബർ 20 വരെ കേന്ദ്രസേനകളുടെ സാന്നിധ്യം വേണമെന്ന് ദില്ലി പൊലീസ് അറിയിച്ചു. 273 കമ്പനി കേന്ദ്രസേന 20 വരെ ദില്ലിയിൽ തുടരണമെന്നാണ് ആഭ്യന്തര മന്ത്രാലയത്തിന് പൊലീസിന്റെ കത്ത്.

കേരളത്തിൽ വരുന്ന അധ്യയന വർഷം മുതൽ എൽ.എൽ.ബി പ്രവേശന പരീക്ഷകൾ മലയാളത്തിലും ഇംഗ്ലീഷിലും ദ്വിഭാഷാ രീതിയിൽ നടത്താൻ സർക്കാർ തീരുമാനം. മലയാളം ഐക്യ വേദി നൽകിയ നിവേദനത്തിന്റെ അടിസ്ഥാനത്തിലാണ് നടപടി. വിദ്യാർത്ഥികളുടെ ആവശ്യവും മാതൃഭാഷാ നയവും മുൻനിർത്തി, എൽ.എൽ.ബി. പ്രവേശന പരീക്ഷാ ചോദ്യങ്ങൾ മലയാളത്തിൽക്കൂടി ലഭ്യമാക്കാൻ ഉന്നതവിദ്യാഭ്യാസ വകുപ്പ് മന്ത്രി റോജി എം.ജോൺ നൽകിയ നിർദേശത്തെ തുടർന്നാണ് ഈ നിർണ്ണായക തീരുമാനം.

എറണാകുളം കടവുംഭാഗത്ത് ജൂതപ്പള്ളിക്ക് മുന്നിൽ തീയിട്ട സംഭവത്തിൽ അറസ്റ്റിലായ പ്രതി പുത്തൻകുരിശ് സ്വദേശി എബിൻ പോളിന്റെ ഫോണിൽ ദുരൂഹ ചാറ്റുകൾ കണ്ടെത്തിയതിനെ തുടർന്ന് സംഭവത്തിൽ തീവ്രവാദ ബന്ധം ഉണ്ടോയെന്ന സംശയത്തിൽ  പൊലീസും കേന്ദ്ര ഏജൻസികളും. തീയിടുന്നത് ഇയാൾ ഫോണിൽ ചിത്രീകരിച്ച് ചിലർക്ക് അയച്ചതായി കണ്ടെത്തിയിട്ടുണ്ട്. നേരത്തെയും സമാന ശ്രമം നടത്തിയതായാണ് വിവരം. ഐബിയും എന്‍ഐഎയും പൊലീസും എബിനെ ചോദ്യം ചെയ്തു. പ്രതിയുടെ മാനസികനിലയും പരിശോധിക്കുന്നുണ്ട്.