തിരുവനന്തപുരം മെഡിക്കൽ കോളേജിലെ യൂറോളജി വിഭാഗത്തിലെ ഡോ ഹാരിസിന് കാരണം കാണിക്കൽ നോട്ടീസ് നൽകിയത് സ്വാഭാവിക നടപടിയാണെന്ന് ആരോഗ്യ മന്ത്രി വീണാ ജോർജ്. അച്ചടക്കലംഘനം ഉണ്ടായിട്ടുണ്ടെന്നും അന്വേഷണ റിപ്പോർട്ടിൽ ഏറെ ശുപാർശകളുണ്ടെന്നും മന്ത്രി പറഞ്ഞു. ഇന്നലെയാണ് ഡോക്ടർക്ക് കാരണം കാണിക്കൽ നോട്ടീസ് ലഭിച്ചത്. അതോടൊപ്പം ഡോ ഹാരിസിനെതിരായ കാരണം കാണിക്കൽ നോട്ടീസിൽ പ്രതികരണവുമായി ഡോക്ടർമാരുടെ സംഘടന രംഗത്തെത്തി. നടപടി ഉണ്ടായാൽ ശക്തമായ പ്രതിഷേധമുണ്ടാവുമെന്ന് കെജിഎംസിടിഎ (KGMCTA) വ്യക്തമാക്കി. നോട്ടീസിനെ നടപടിക്രമങ്ങളുടെ ഭാഗമായി കാണുന്നുവെന്നും അതിനപ്പുറമുള്ള നടപടി ഉണ്ടായാൽ […]
തിരുവനന്തപുരം മെഡിക്കല് കോളേജിൽ ഉപകരണം കാണാതായതിൽ പൊലീസ് അന്വേഷണം വേണമെന്ന് ആരോഗ്യ വകപ്പിന്റെ വിലയിരുത്തല്.
തിരുവനന്തപുരം മെഡിക്കൽ കോളേജിലെ ചികിത്സാ പ്രതിസന്ധി ഡോ.ഹാരിസ് വെളിപ്പെടുത്തിയതിനെ തുടർന്ന് നിയമിച്ച വിദഗ്ധ സമിതിയുടെ റിപ്പോര്ട്ട് അനുസരിച്ച് മെഡിക്കല് കോളേജിലെ യൂറോളജി വകുപ്പിൽ ചില ഉപകരണങ്ങൾ ബോധപൂർവ്വം കേടാക്കി എന്നും കാണാതായെന്നും, കാണാതായതിൽ പൊലീസ് അന്വേഷണം വേണമെന്നും ആരോഗ്യ വകുപ്പിന്റെ വിലയിരുത്തല്. 20 ലക്ഷത്തോളം രൂപ വിലമതിക്കുന്ന ഓസിലോസ്കോപ്പ് ഉപകരണമാണ് കാണാതായത്. ശശി തരൂർ എംപിയുടെ വികസന ഫണ്ടിൽ നിന്ന് അനുവദിച്ച തുകയ്ക്കാണ് ഉപകരണം വാങ്ങിയത്. എന്നാൽ സമിതി റിപ്പോർട്ടിൽ എന്താണെന്ന് തനിക്കറിയില്ലെന്നും കത്ത് കൊടുത്ത കാലയളവിനിടെ […]
പ്രഭാത വാര്ത്തകള് | ഓഗസ്റ്റ് 1, വെള്ളിയാഴ്ച
◾https://dailynewslive.in/ തിരുവനന്തപുരം മെഡിക്കല് കോളേജിലെ ചികിത്സാ പ്രതിസന്ധി വെളിപ്പെടുത്തിയ ഡോക്ടര് ഹാരിസിനെതിരെ നടപടി. ഡോ. ഹാരിസിന് കാരണം കാണിക്കല് നോട്ടീസ് നല്കി. ഡോക്ടര് ഹാരിസ് ചിറക്കലിന്റെ വെളിപ്പെടുത്തില് സര്വീസ് ചട്ടലംഘനമാണെന്ന റിപ്പോര്ട്ടിന് പിന്നാലെയാണ് നടപടി. സര്ക്കാരിനെ അപകീര്ത്തിപ്പെടുത്താന് ശ്രമിച്ചെന്നാണ് നോട്ടീസില് പറയുന്നത്. ◾https://dailynewslive.in/ തിരുവനന്തപുരം മെഡിക്കല് കോളേജിലെ ചികിത്സാ പ്രതിസന്ധി വെളിപ്പെടുത്തിയ സംഭവത്തില് കാരണം കാണിക്കല് നോട്ടീസ് ലഭിച്ച നടപടിയില് പ്രതികരണവുമായി യൂറോളജി വിഭാഗം മേധാവി ഡോക്ടര് ഹാരിസ് ചിറയ്ക്കല്. ഡിഎംഇ പുറപ്പെടുവിച്ച കാരണംകാണിക്കല് നോട്ടീസിന് മറുപടി […]
ഛത്തീസ്ഗഡിൽ അറസ്റ്റിലായ മലയാളികളായ കന്യാസ്ത്രീകൾ നിരപരാധികൾ ആണെന്ന് ആവർത്തിച്ചു കന്യാസ്ത്രീകൾക്കൊപ്പമുണ്ടായ പെൺകുട്ടികൾ
ഛത്തീസ്ഗഡിൽ അറസ്റ്റിലായ മലയാളികളായ കന്യാസ്ത്രീകൾ നിരപരാധികൾ ആണെന്ന് ആവർത്തിച്ചു കന്യാസ്ത്രീകൾക്കൊപ്പമുണ്ടായ പെൺകുട്ടികൾ. ആരും നിർബന്ധിച്ചില്ലെന്നും ഇറങ്ങിത്തിരിച്ചത് സ്വന്തം ഇഷ്ടപ്രകാരമാണെന്നും പെൺകുട്ടികൾ പറഞ്ഞു. പൊലീസ് പറയുന്നത് വ്യാജമാണ്. അകാരണമായി ആക്രമിച്ചെന്നും പെൺകുട്ടികൾ പറയുന്നു. ദേശീയ മാധ്യമത്തിന് നൽകിയ അഭിമുഖത്തിലാണ് പെണ്കുട്ടികൾ ഇക്കാര്യം വ്യക്തമാക്കിയത്.
എറണാകുളത്തെ കുസാറ്റ് ക്യാമ്പസ് അഞ്ച് ദിവസത്തേക്ക് അടച്ചു
എറണാകുളത്തെ കുസാറ്റ് ക്യാമ്പസ് അഞ്ച് ദിവസത്തേക്ക് അടച്ചു. വിദ്യാർത്ഥികൾക്ക് എച്ച് വൺ എൻ വൺ രോഗ ലക്ഷണങ്ങൾ കണ്ടെത്തിയതിനെ തുടർന്നാണ് ക്യാമ്പസ് അടച്ചത്. നാളെ മുതൽ ക്ലാസുകൾ ഓൺലൈൻ മുഖേന ആയിരിക്കും നടക്കുന്നത്. ക്യാമ്പസിലെ ചില ഹോസ്റ്റലുകളിൽ രോഗബാധ കണ്ടതിനെ തുടർന്നാണ് നടപടി. കേരളത്തിന് പുറത്തുള്ളവർ ഒഴികെ മറ്റെല്ലാ വിദ്യാർത്ഥികളും ഹോസ്റ്റൽ മുറികൾ ഒഴിയാനും നിർദേശം നൽകിയിട്ടുണ്ട്.
നിമിഷ പ്രിയ കേസില് കൊല്ലപ്പെട്ട തലാലിന്റെ കുടുംബത്തോട് മാപ്പാപേക്ഷിച്ച് ഇവഞ്ചലിസ്റ്റ് നേതാവ് ഡോ. കെ എ പോൾ
നിമിഷ പ്രിയ കേസില് കൊല്ലപ്പെട്ട തലാലിന്റെ കുടുംബത്തോട് മാപ്പാപേക്ഷിച്ച് ഇവഞ്ചലിസ്റ്റ് നേതാവ് ഡോ. കെ എ പോൾ. കാന്തപുരത്തിന് വേണ്ടി മാപ്പ് ചോദിക്കുന്നു എന്നായിരുന്നു കെ എ പോളിന്റെ വീഡിയോയില് പറയുന്നത്. തലാൽ കുടുംബത്തിന്റെ നിബന്ധനകൾ നിറവേറ്റാൻ താൻ തയാറാണെന്നും കെ എ പോള് വീഡിയോയില് പറയുന്നു. നിമിഷപ്രിയയുടെ മകൾക്കൊപ്പമായിരുന്നു കെ എ പോളിന്റെ വീഡിയോ.
രാത്രി വാർത്തകൾ
ഛത്തീസ്ഗഡിൽ അറസ്റ്റിലായ മലയാളി കന്യാസ്ത്രികളുടെ ജാമ്യത്തിന് വിചാരണക്കോടതിയെ വീണ്ടും സമീപിക്കാൻ നിർദേശിച്ച് കേന്ദ്ര ആഭ്യന്തരമന്ത്രി അമിത് ഷാ. ജാമ്യാപേക്ഷയെ ഛത്തിസ്ഗഡ് സർക്കാർ എതിർക്കില്ലന്ന് അമിത് ഷാ ഉറപ്പു നൽകി. കന്യാസ്ത്രികൾക്കെതിരായ കേസിൽ രാഷ്ട്രീയ താൽപ്പര്യങ്ങളില്ലെന്നും തന്നെ കണ്ട യുഡിഎഫ്- എൽഡിഎഫ് എം പി മാരോട് അദ്ദേഹം പറഞ്ഞു. ജാമ്യം ലഭിച്ച ശേഷം കേസ് റദ്ദാക്കാൻ ശ്രമിക്കാമെന്നും അമിത് ഷാ ചൂണ്ടിക്കാട്ടി. ഛത്തീസ്ഗഡിലെ ദുർഗിൽ മനുഷ്യക്കടത്തും നിർബന്ധിത മതപരിവർത്തനവും ചുമത്തി അറസ്റ്റിലായ മലയാളി കന്യാസ്ത്രീകൾക്ക് […]
വരുമാനം വര്ധിപ്പിക്കാന് ബിഎസ്എന്എല്
പൊതുമേഖല സ്ഥാപനമായ ബിഎസ്എന്എല്ലിന്റെ കടം 16,327 കോടി രൂപയാണെന്ന് വ്യക്തമാക്കി കേന്ദ്ര സര്ക്കാര്. അതേസമയം, വരുമാനം 2020-21 സാമ്പത്തിക വര്ഷത്തിലെ 17,467 കോടി രൂപയില് നിന്ന് 2024-25 സാമ്പത്തിക വര്ഷത്തില് 23,424 കോടി രൂപയായി വര്ദ്ധിച്ചു. സേവന നിലവാരം മെച്ചപ്പെടുത്തി ഉപഭോക്തൃ അടിത്തറ വികസിപ്പിച്ചുകൊണ്ട് വരുമാനം വര്ദ്ധിപ്പിക്കാനുളള ശ്രമങ്ങളിലാണ് ബിഎസ്എന്എല്. ഒരു ലക്ഷം ടവറുകളില് 4ജി സേവനങ്ങള് ബിഎസ്എന്എല് നിലവില് സജീവമായി നല്കുന്നു. നെറ്റ്വര്ക്ക് കണക്റ്റിവിറ്റിയും സേവന നിലവാരവും വര്ദ്ധിപ്പിക്കുന്നതിനായി ടവര് സൈറ്റുകള് ക്രമേണ വികസിപ്പിക്കാനുളള പദ്ധതികളിലാണ് […]
ഐശ്വര്യ രാജ് നായികയാകുന്ന ‘മെറി ബോയ്സ്’
കുഞ്ചാക്കോ ബോബന് നായകനായി എത്തിയ സൂപ്പര് ഹിറ്റ് ചിത്രം ‘ഓഫിസര് ഓണ് ഡ്യൂട്ടി’യില് വില്ലത്തിയായെത്തിയ ഐശ്വര്യ രാജ് നായികയാകുന്ന സിനിമയാണ് ‘മെറി ബോയ്സ്’. നവാഗതനായ മഹേഷ് മാനസ് കഥയെഴുതി സംവിധാനം ചെയ്യുന്ന ചിത്രത്തിന്റെ തിരക്കഥ ശ്രീപ്രസാദ് ചന്ദ്രന്റേതാണ്. മാജിക് ഫ്രെയിംസിന്റെ ബാനറില് ലിസ്റ്റിന് സ്റ്റീഫന് ആണ് നിര്മാണം. മുന്നിര താരങ്ങളും സംവിധായകരും ഒന്നിക്കുന്ന ചിത്രങ്ങളാണ് മാജിക് ഫ്രെയിംസ് എപ്പോഴും പ്രേക്ഷകര്ക്ക് നല്കിയിരുന്നത്. ഇതില് നിന്നെല്ലാം വിഭിന്നമായ രീതിയിലാണ് മാജിക് ഫ്രെയിംസ് 38-ാം മത്തെ ചിത്രമായ മെറി ബോയ്സ് […]
‘പരം സുന്ദരി’ റിലീസ് ഓഗസ്റ്റ് 29 ന്
സിദ്ധാര്ഥ് മല്ഹോത്ര നായകനായി വരാനിരിക്കുന്ന ചിത്രമാണ് ‘പരം സുന്ദരി’. ചിത്രത്തിന്റെ റിലീസ് ജൂലൈ 25നായിരിക്കും എന്നായിരുന്നു നേരത്തെ പ്രഖ്യാപിച്ചിരുന്നത്. എന്നാല് റിലീസ് നീളും എന്നാണ് പുതിയ റിപ്പോര്ട്ടുകള് സൂചിപ്പിക്കുന്നത്. ചിത്രം ഓഗസ്റ്റ് 29നായിരിക്കും ചിത്രം തിയറ്ററുകളില് എത്തുക എന്നാണ് പുതിയ പ്രഖ്യാപനം. സിദ്ധാര്ഥ് മല്ഹോത്രയുടെ പരം സുന്ദരിയുടെ സംവിധാനം നിര്വഹിക്കുക തുഷാര് ജലോട്ട ആണ്. ജാന്വി കപൂര് നായികയാകുന്ന റൊമാന്റിക് ചിത്രത്തിനായി ദില്ലിയില് കേരള പശ്ചാത്തലമൊരുക്കുമെന്നും റിപ്പോര്ട്ടുണ്ടായിരുന്നു. സിദ്ധാര്ഥ് മല്ഹോത്ര ദില്ലിക്കാരനാകുമ്പോള് നായികാ കഥാപാത്രം കേരള കലാകാരിയാണ്. […]
