നടിയെ ആക്രമിച്ച കേസുമായി ബന്ധപ്പെട്ട് യുഡിഎഫ് കണ്വീനർ അടൂർ പ്രകാശിന്റേത് നിരുത്തരവാദപരമായ പ്രതികരണമെന്ന് കെ മുരളീധരൻ. ഇത്രയധികം രാഷ്ട്രീയ പാരമ്പര്യം ഉള്ളയാൾ ഇങ്ങനെ പറയാൻ പാടില്ലായിരുന്നുവെന്നും എന്തുകൊണ്ട് അങ്ങനെ പറഞ്ഞു എന്ന് മനസ്സിലാകുന്നില്ല, എതിരാളികൾക്ക് അടിക്കാൻ വടി കൊടുത്തത് പോലെയായി അദ്ദേഹം അത് ചെയ്യരുതായിരുന്നുവെന്നും യുഡിഫ് യോഗം വിളിച്ചു കൂട്ടലാണ് കൺവീനറുടെ ജോലിയെന്നും മുരളീധരൻ പറഞ്ഞു. പാർട്ടി നിലപാട് പറയാൻ കെപിസിസി പ്രസിഡന്റ് ഉണ്ട് നടിയെ ആക്രമിച്ച കേസിലെ നിലപാട് പ്രസിഡന്റ് നേരത്തെ തന്നെ പറഞ്ഞതാണെന്നും മുരളീധരൻ പറഞ്ഞു.
