കേരളത്തില് മാവോയിസ്റ്റ് പ്രവര്ത്തനം ശക്തമെന്ന് ഇന്റലിജന്സ് റിപ്പോര്ട്ട്. വയനാട്, കണ്ണൂര് ജില്ലകളില് മാവോയിസ്റ്റുകള് പ്രവര്ത്തിക്കുന്നുവെന്ന് റിപ്പോര്ട്ട്. മുഖ്യമന്ത്രി പിണറായി വിജയന് സമര്പ്പിച്ച റിപ്പോര്ട്ടിലാണ് ഇക്കാര്യം വ്യക്തമാക്കിയിരിക്കുന്നത്. ഉള്വനത്തില് അന്പതിലേറെ മാവോയിസ്റ്റുകള് തമ്പടിച്ചിരിക്കുന്നെന്ന് റിപ്പോര്ട്ടില് ചൂണ്ടിക്കാണിക്കുന്നു.ജാര്ഖണ്ഡില് നിന്നടക്കമുള്ള മാവോയിസ്റ്റ് അംഗങ്ങള് കേരളത്തിലെ വനമേഖലയില് ഉണ്ടെന്ന് റിപ്പോര്ട്ട്. ഇവരാണ് പരിശീലനമടക്കമുള്ളവ നല്കുന്നത്. സംസ്ഥാന ഇന്റലിജന്സിന്റെ റിപ്പോര്ട്ട് കേന്ദ്രവും നിരീക്ഷിച്ചുവരികയാണ്. സംഭവത്തില് ചീഫ് സെക്രട്ടറിയോട് മുഖ്യമന്ത്രി റിപ്പോര്ട്ട് തേടിയിട്ടുണ്ട്. ഇക്കാര്യത്തില് അടിയന്തര യോഗം ചേരുമെന്നും റിപ്പോര്ട്ടുണ്ട്.
